ჰალითოზი უსიამოვნო სუნი პირის ღრუდან, ძალიან მტკივნეული თემაა. ბევრ ადამიანს აწუხებს ძალიან და ხშირად დაბალი თვითშეფასების, სოციალური, ემოციური და ფსიქოლოგიური პრობლემების მიზეზი ხდება. ხშირად, ამას ადამიანები ვერ ამჩნევენ, მაგრამ გარშემომყოფებს არ გამოეპარებათ.
ამ პრობლემის შემოწმება მარტივია. აირეთ ბამბა და დაიდეთ ენის შუაგულში. შემდეგ დაყნოსეთ და თუ ცუდი სუნი გეცათ, მაშინ პრობლემის წინაშე დგახართ.
პირის ღრუში 120-ზე მეტი სახეობის სხვადასხვა მიკროორგანიზმია, რომლებიც კბილის კარიესში იმალებიან. არასწორი ჰიგიენის გამო, ეს ორგანიზმები სწრაფად მრავლდებიან და იწვევენ სწორედ ამ უსიამოვნო სუნს. ამ პრობლემის აღმოფხვრა მხოლოდ სტომატოლოგს შეუძლია. აუცილებლად ესტუმრეთ მას და გაიწმინდეთ კბილები სპეციალური დანადგარით.
გარდა ამისა, უსიამოვნო სუნს ხშირად კუჭ-ნაწლავის დაავადება, ცხვირ-ხახის, თირკმელების, ღვიძლის და ფილტვების პათოლოგიებიც იწვევს.
უსიამოვნო სუნი ასევე შეიძლება გამოწვეული იყოს ზოგიერთი მედიკამენტის მიღებით, რომელიც ამცირებს ნერწყვის გამოყოფას. გარდა მედიკამანტების გავლენისა კი უსიამოვნო სუნის გამომწვევი ფაქტორი შეიძლება უბრალოდ პირის სიმშრალე იყოს, ამიტომ ამ დროს მიზანშეწონილია მინერალური წყლის მიღება, რაც გაიძულებთ შეინარჩუნოთ სინოტივე პირის ღრუში, ან დაღეჭოთ უშაქრო საღეჭი რეზინი პიტნის ექსტრაქტით, რადგანაც ის ასტიმულირებს ნერწყვის გამოყოფას.
გაგრძელება წაიკითხეთ მეორე გვერდზე