“წონაში დავიკელი, მაგრამ სხეულმა ფორმა დაკარგა და ნაკეცები გამიჩნდა გვერდებზე. ამიტომ გადავწყვიტე ამ მეთოდისთვის მიმემართა.”

თითოეული ადამიანი უნიკალურია და მისი ორგანიზმი თავისებურად მუშაობს. მაგალითად, ზოგ ქალბატონს ზედმეტი კილოგრამები თეძოებზე უგროვდება, სხვებს კი – ხელებსა და მხრებზე. თუ თქვენ მეორე ჯგუფს მიეკუთვნებით და არ ხართ კმაყოფილი იმით, თუ როგორ გამოიყურება თქვენი ზედა ტანი, უნდა შეარჩიოთ შესაბამისი სავარჯიშოები ამ პრობლემის გადასაჭრელად.

თანაც, მაშინაც კილ თუ თქვენ არ გაქვთ ზედმეტი კილოგრამები, ჭარბი ცხიმოვანი ფენები მაინც ჩნდება იღლიების არეში და ზურგზე, მკერდისა და მხრების დონეზე. პრობლემა რთულდება, თუ თქვენ ვერ პოულობთ ტანსაცმელს, რომელიც დაგეხმარებათ ამ ნაკეცების დაფარვაში. ასეთ შემთხვევაში, თქვენ საკმარისად მოტივირებული იქნებით იმისთვის, რომ დაკავდეთ ფიტნესით და სწორად შეარჩიოთ სავარჯიშოები.

ჩვენ თქვენთვის შევარჩიეთ სავარჯიშოები, რომლებიც დამატებით სივრცეს არ მოითხოვს. მათი შესრულება შეგიძლიათ ჯდომის დროს, ხელებში მცირე სიმძიმით ან მის გარეშეც, თუ ვარჯიშს ახლა იწყებთ.

1. ბიცეპსი და მხრების სარტყელი

დაჯექით იატაკზე ან სკამზე, აიღეთ გირები ორივე ხელში.

მოხარეთ იდაყვები და ხელის მტევნები მხრებისკენ მიზიდეთ.

ამ მდგომარეობის შემდეგ აწიეთ ხელები ზემოთ.

ეს სავარჯიშო მრავალფუნქციურია, ვინაიდან მასში ჩართულია ხელები და მხრები, ასევე, გულმკერდის ბადის ზედა კუნთები. შეასრულეთ იგი აჩქარების გარეშე, 10-15 მისვლით.

2. მხრების გახსნა

მოხარეთ იდაყევი და დაიჭირეთ ხელები სხეულის წინ.
გახსენით წინამხრები მაქსიმალურად შორს ერთმანეთისგან. გაიმეორეთ 10-15-ჯერ.

ეს სავარჯიშოები იდეალურია სხეულის პოზიციის გაუმჯობესებისა და ზედა ნაწილის კუნთების ტონირებისთვის.

3. მცირე ბრუნვები

გაშალეთ ხელები მხრების გასწვრივ და დაიწყეთ ხელების ბრუნება.
თუ კისრის პრობლემები გაქვთ, არ გამოიყენოთ დამატებითი სიმძიმე. შეგიძლიათ გაზარდოთ ბრუნვის დიამეტრი, თუ ასე თავს კომფორტულად იგრძნობთ. საკმარისია 10-15 მისვლა.

4. ტრიცეპსის გაძლიერება

დაჯექით სწორად. ხელები მკერდთან ახლოს დაიჭირეთ. გაშალეთ ხელები ხელის უკანა ზედაპირის დაჭიმვასთან ერთად. გააჩერეთ 3 წამით და დაუბრუნდით საწყის პოზიციას. გაიმეორეთ 10-15-ჯერ.
ეს საბვარჯიშოები აძლიერებს ბიცეპსსა და მხრების უკანა ნაწილს.

5. აზიდვები

დადექით მუხლებზე და ხელები დადეთ იატაკზე. მაქსიმალურად გაასწორეთ ზურგი. დაიწყეთ ხელების მოხრა და სხეულის ჩასვლა-ამოსვლა. სცადეთ, მკერდი იატაკს შეეხოს.
ამ სავარჯიშოების კომპლექსის შესრულება სულ 15 წუთს წაგართმევთ, თქვენი სხეულის ნაკლის დასაფარავად ტანსაცმელის შერჩევა კი გაცილებით მეტ დროს მოითხოვს. ივარჯიშეთ რეგულარულად და ცვლილებებს მალევე შეამჩნევთ.


კომენტარები



ასევე დაგაინტერესებთ