“რაც ამ მეთოდების შესახებ გავიგე, დეოდორანტს საერთოდ აღარ ვიყენებ. მშვენიერია, ოფლის სუნი საერთოდ გამიქრა.”

ზაფხულობით ოფლის გამოყოფას ვერც ერთი დეოდორანტი ვერ უშლის ხელს. თუ ჰაერის მაღალ ტემპერატურას ფიზიკურ აქტივობასაც დავამატებთ, მივიღებთ სისველეს ტანსაცმელზე, რომელიც ყარს.

სხვათაშორის, ჭარბი ოფლიანობა, შესაძლოა, რომელიმე ქრონიკული დაავადების (მაგ, გულის უკმარისობისა და შაქრიანი დიაბეტის) სიმპტომიც იყოს. ამიტომაც, თუ გრძნობთ, რომ მეტისმეტად ოფლიანობთ, მიმართეთ პროფესიონალს.

გთავაზობთ რამდენიმე საშუალებას, რომელიც ოფლის გამოყოფას შეუშლის ხელს:

1. სოდა

ზოგიერთი ადამიანისთვის ძალიან მნიშვნელოვანია ნატურალური საშუალებების გამოყენება. ჩვეულებრივი საკვები სოდა ჭარბი ოფლიანობის დროს დაგეხმარებათ.

უბრალოდ დაიტანეთ იგი ნოტიო კანზე და მოიშორეთ ზედმეტი ფხვნილი.

თუ წინ სიცხე და ფიზიკური აქტივობა გელოდებათ, შეგიძლიათ, მარტივად შეაჩეროთ ოფლიანობა იზოტონიკის გამოყენებით, რომელსაც 1 ლ წყლით, 1ჩ/კ შაქრით, 1ჩ/კ მარილითა და 1ჩ/კ სოდით მოამზადებთ.

დალიეთ ერთი ჭიქა სასმელი დილით. თუმცა, თუ ამ სითხის დალევა ერთბაშად გიჭირთ, შეგიძლიათ, დღის განმავლობაში თანდათან მიიღოთ.

2. ანულიტი

ეს კრისტალის ფორმის დეოდორანტი ხელოვნური ანტიპერსპირანტების ბუნებრივი ანალოგია. იგი არ ტოვებს ლაქებს ტანსაცმელზე, არ აქვს სუნი და შედგება ანულიტის კრისტალებისგან. მინერალი გაჯერებულია ანტისეპტიკური და ანტიბაქტერიული თვისებებით.

იგი კუმშავს საოფლე ჯირკვლებს, ატენიანებს კანს და აქრობს სუნს. გამოყენებამდე ამოავლეთ კრისტალი წყალში და წაისვით იღლიებზე. ანულიტის ქვა დაახლ. 2 წლის განმავლობაში გეყოფათ.

3. წყალბადის ზეჟანგი

ეს არაჩვეულებრივი საშუალებაა ოფლის სუნთან და ბაქტერიებთან ბრძოლისთვის. ნახევარ ჭიქა წყალში შეურიეთ 1 ჩ/კ ხსნარი და დაიტანეთ მშრალი, სუფთა იღლიის კანზე ყოველ დილით.

4. ალუმინის ქლორიდი

თუ ოფლის გამოყოფა მეტისმეტად ინტენსიურია, თქვენ უნდა ეძებოთ დეოდორანტი, რომელიც ალუმინის ქლორიდს დიდი რაოდენობით შეიცავს.

ასეთი ანტიპერსპირანტები შესამჩნევად ამცირებს ოფლის გამოყოფას მაღალ ტემპერატურაზეც კი. გასულ საუკუნეში ფიქრობდნენ, რომ ალუმინის შემცველი ანტიპერსპირანტები კიბოს იწვევს, თუმცა კვლევებით დადგინდა, რომ ეს ყველაფერი მხოლოდ მოსაზრებებია და კავშირი არ არსებობს.

5. მუხის ქერქი

მუხის ქერქის შეძენა ნებისმიერ აფთიაქში შეგიძლიათ. იგი შესანიშნავი საშუალებაა ოფლის წინააღმდეგ. კარგია დილაობით, სუფთა იღლიებზე მუხის ქერქის ნახარშის წასმა, ასევე, შეგიძლიათ გაყინოთ ნახარში და იღლიებზე ყინულის კუბები წაისვათ.

ნახარშის მარტივი მოსამზადებელია: 5 კოვზ მუხის ქერქს დაასხით 1 ლიტრი მდუღარე წყალი და ადუღეთ ნელ ცეცხლზე, დაახლოებით, 30 წუთით. გააჩერეთ ნახარში 2 საათით და გაწურეთ.

6. პუდრი

როცა თან სხვა ნატურალური საშუალება არ გაქვთ, გამოიყენეთ სახის ჩვეულებრივი პუდრი. ტალკის შემცველობის წყალობით, თქვენ რამდენიმე საათით შეაჩერებთ ოფლის გამოყოფას. ეცადეთ, პუდრი წაისვათ ყოველ 1 საათში, ხელსახოცის გამოყენებით.

7. ხელის ანტიბაქტერიული გელი

თუ ოფლის სუნი გაქვთ, მაგრამ შხაპის მიღების შესაძლებლობა ამდროისთვის არ გაქვთ, გაიწმინდეთ იღლიები სველი ხელსახოცით და წაისვით ანტიბაქტერიული გელი. იგი სუნის გამომწვევ ბაქტერიებს მოკლავს.

8. ბოტოქსი

თუ ჭარბოფლიანობა თქვენი პირველი პრობლემაა, გაიკეთეთ ბოტოქსი – ამ პრეპარატით მკურნალობენ ჰიპერჰიდროზს. მისი მოქმედების პრინციპი მარტივია: ბოტოქსის წყალობით, ნერვული იმპულსი ვერ აღწევს საოფლე ჯირკვლებამდე, ამიტომ, ოფლი არ გამოიყოფა. ერთი ინექცია 6-12 თვის განმავლობაშია ეფექტური.

9. ლაზერი

თუ თქვენ ყველა საშუალება სცადეთ და სხვა გზა აღარ დაგრჩათ, მიმართეთ ექიმს მიზეზის დასადგენად. თუ თქვენ ჰიპერჰიდროზი აღმოგიჩნდათ, იმკურნალეთ ლაზერით, რომელიც საოფლე ჯირკვლის მუშაობას სამუდამოდ შეწყვეტს.

იქედან გამომდინარე, რომ ოფლის გამოყოფა ორგანიზმის თერმორეგულაციისა და მავნე ნივთიერებების გამოყოფისთვის მნიშვნელოვანი პროცესია, ლაზერით მხოლოდ ყველაზე პრობლემურ ზონებს ასხივებენ.


მსგავსი სტატიები

კომენტარები