ქაცვის კენკრა ჩვენს ორგანიზმზე მრავალმხრივ დადებით გავლენას ახდენს. თუმცა, მისი ზეთი გაცილებით ძლიერია და მისი სამკურნალო თვისებები ოფიციალური მედიცინის მიერაცაა აღიარებული.
ქაცვის ზეთი ეფექტურად აღკვეთს და აწესრიგებს კანის პრობლემებს
ამ ზეთის ერთ-ერთი ყველაზე ძლიერი უპირატესობა ისაა, რომ იგი კანის თითქმის ნებისმიერი დაავადების განკურნებაში დაგეხმარებათ.
მაგალითად, მისი გამოყენება მიზანშეწონილია მზისგან დამწვარ კანზე. იგი ეფექტურია ჭრილობებისა და ნაწოლების სამკურნალოდ. ამ ზეთითვე იმკურნალებთ დერმატიტს, ეგზემას, სტრიებსა და მუწუკებსაც კი.
შეიცავს ომეგა-7-ის ცხიმოვან მჟავებს
ჯანმრთელობის შესახებ მოცემულ რჩევებში ხშირად მოკრავთ ყურს ომეგა-3-ის დადებით თვისებებს, მაგრამ თქვენ აუცილებლად უნდა იცოდეთ ომეგა-7-ის შესახებაც, რადგან იგი ორგანიზმს იცავს კიბოს, გულის დაავადებებისა და დიაბეტისგან.
კარგი ისაა, რომ ქაცვის ზეთი ომეგა-7-ის ერთ-ერთი საუკეთესო წყაროა, ამიტომაც იგი უნდა დაუმატოთ თქვენს რაციონში.
იცავს კუჭქვეშა ჯირკვალსა და ღვიძლს
ქაცვის ზეთი მდიდარია ანტიოქსიდანტებით, რომლებიც, როგორც ცნობილია, უზრუნველყოფს სხვადასხვა დაავადებისგან დაცვას. აღმოჩნდა, რომ იგი იცავს ღვიძლს დაზიანებისგან, რასაც ალფატოქსინები იწვევს.
აუმჯობესებს იმუნურ სისტემას
აღნიშნულ ზეთს აქვს იმუნიტეტის გაძლიერების უნარი, ვინაიდან იგი ისეთი ანტიოქსიდანტებითაა მდიდარი, რომლებიც ებრძვიან თავისუფალ რადიკალებს.