ბისკვიტი საკმაოდ პრეტენზიული გამოსაცხობია, ის მოითხოვს შრომასა და გულმოდგინებას. ჩვენ დაგეხმარებით, რომ მოამზადოთ ფუმფულა, მაღალი ბისკვიტი.
როგორ გამოვაცხოთ ბისკვიტი
ჩვენ მოგიმზადეთ რეცეპტის რამდენიმე ვარიანტი. იმისათვის, რომ ბისკვიტი გამოვიდეს გემრიელი, ზუსტად დაიცავით მითითებები.
მარტივი ბისკვიტი ლიმონათზე
ინგრედიენტები:
ოთხი კვერცხი
ორას ორმოცდაათი გრამი შაქარი
ათი გრამი ვანილის შაქარი
ორასი გრამი გაზიანი ლიმონათი
ორასი გრამი ზეთი
ოთხასი გრამი ფქვილი
ერთი ჩაის კოვზი გამაფხვიერებელი
მომზადება:
- ათქვიფეთ მიქსერით კვერცხი, შაქარი და ვანილის შაქარი.
- თქვეფისას თანდათან ჩაასხით ზეთი და ლიმონათი.
- ნაწილ-ნაწილ დაამატეთ ფქვილი და გამაფხვიერებელი. თან თქვიფეთ.
- მოათავსეთ ცომი მულტიფუნქციური საცხობის ჭურჭელში და დააყენეთ გამოცხობის რეჟიმზე სამოცდახუთი წუთით.
- გამოცხობის სიგნალის შემდეგ დაამატეთ ისევ სამოცდახუთი წუთი, შემდეგ გამორთეთ და დატოვეთ ბისკვიტი ოცი წუთით, რათა გაცივდეს.
- გადააბრუნეთ საცხობის ჭურჭელი სადგამზე და დატოვეთ ბისკვიტი ასე საბოლოო გაციებამდე.
- ბისკვიტი გამოდის მაღალი და ფუმფულა, აქვს ნაზი ლიმონის არომატი.
შოკოლადის ბისკვიტი
ინგრედიენტები:
ორას ორმოცდაათი გრამი ფქვილი
ოთხასი გრამი შაქარი
ორი კვერცხი
კოვზნახევარი სოდა ანუ გამაფხვიერებელი
ექვსი სუფრის კოვზი კაკაო
ორასი გრამი რძე
ერთი ჩაის კოვზი ვანილის შაქარი
სამოცი გრამი ზეთი
ორასი გრამი მდუღარე წყალი
მომზადება:
- შეურიეთ ყველა ინგრედიენტი, გარდა წყლისა. შერევის ბოლოს დაამატეთ ერთი ჭიქა მდუღარე წყალი.
- წაუსვით მულტიფუნქციური საცხობის ჭურჭელს კარაქი და შიგ ჩაასხით თხევადი ცომი.
- გამოახვეთ ბისკვიტი ცხობის რეჟიმზე ერთი საათის მანძილზე.
ბისკვიტი ცხელ რძეზე
ინგრედიენტები:
ას ოცი გრამი რძე
სამოცი გრამი კარაქი
ას სამოცი გრამი ფქვილი
ას სამოცი გრამი შაქარი
ექვსი გრამი გამაფხვიერებელი
სამი კვერცხი
ათი გრამი ვანილის შაქარი
მომზადება:
- გაახურეთ ღუმელი წინასწარ, ას სამოცდათხუთმეტ გრადუსამდე. საცხობ ფორმას პერგამენტის ქაღალდი ჩააფინეთ.
- შეურიეთ ერთმანეთს ფქვილი, გამაფხვიერებელი და ვანილი.
- შეურიეთ რძე და კარაქი, მოათავსეთ ნარევი ქვაბში და ნელა გააცხელეთ კარაქის გადნობამდე.
- თქვიფეთ კვერცხი ერთი წუთის განმავლობაში და თანდათან დაამატეთ შაქარი სქელი ქაფის წარმოქმნამდე.
- ფქვილი სამ ეტაპად ჩაყარეთ კვერცხიან მასაში. აკურატულად აურიეთ.
- გააცხელეთ რძე კარაქით კიდევ ერთხელ, ადუღებამდე. ორ ეტაპად შეურიეთ ცხელი რძე ცომს.
- მოათავსეთ სქელი მასა ფორმაში და გამოაცხვეთ ღუმელში, ას სამოცდათხუთმეტ გრადუსზე ნახევარი საათის განმავლობაში.
გაუზიარეთ ეს კულინარული იდეები მეგობრებს!