“კორვალოლი” სამედიცინო პრეპარატია, რომელსაც აღმოსავლეთ ევროპის მიღმა არ იცნობენ. მისი შექმნის ისტორია გერმანიის ნაცისტურ წარსულს უკავშირდება. სამხედრო ექიმები სუპერსაშუალებას ეძებდნენ, რაც არმიის საბრძოლო შესაძლებლობებს აამაღლებდა და ჯარისკაცებს ბრძოლის წინ შიშიგან გაანთავისუფლებდა. კვლევების შედეგად შექმნეს პრეპარატი, რომელიც სინთეტიკურ ნარკოტიკს ლიუმინალს შეიცავდა. ახალი საშუალება სწრაფად აქრობდა ნერვულ დაძაბულობასა და შიშს.
კორვალოლის ზიანი
დღეს, “კორვალოლის” შემადგენლობაში ლიუმინალი კვლავ გვხვდება, უბრალოდ მას სხვა სახელწოდება აქვს – ფენობარბიტალი. სწორედ ეს კომპონენტი უტოლებს კორვალოლს ნარკოტიკულ საშუალებებს. წამალმა შესაძლოა ქრონიკული თვლემა და დაღლილობა გამოიწვიოს.
კორვალოლის გრძელვადიანი მიღება ღვიძლის მუშაობის გაუარესებას იწვევს. ასევე სისტემატიური მოხმარება ნეგატიურად აისახება მეხსიერებაზე, ძილსა და ადამიანის ემოციურ მდგომარეობაზე. კორვალოლზე დამოკიდებულება ყველაზე მეტად მოხუც ადამიანებში აღინიშნება. გასაკვირი არაა, რომ პრეპარატი მათთვის ყველა დაავადების განმკურნავი გახდა.
კორვალოლი მართლაც ამშვიდებს, ხსნის ტკივილს და ნერვულ დაძაბულობას, გშველით სწრაფად ჩაგეძინოთ. ძლიერი ეფექტისთვის მოხუცები უფრო და უფრო მეტს მოიხმარენ.
ბოლომდე ვერ ვიტყვით, რომ კორვალოლი ცუდი წამალია, თუმცა ის გამოუვალ სიტუაციებში დღეში 15-30 წვეთი უნდა მივიღოთ. პრეპარატის თვეობით გამოყენება გამორიცხულია!