ამ რეცეპტით მომზადებული “ვარენიკები” უგემრიელესი გამოდის. ცომი მოხარშვისას არ იშლება და იდეალურ ფორმას იძენს. აი რეცეპტი

არსებობს უამრავი გემრიელი კერძი, მაგრამ გურმანები და კულინარიის მოყვარულები ხელოვნების ნიმუშებს მხოლოდ საუკეთესოებს მიაკუთვნებენ.

სახალხო სიყვარულმა ვარენიკები უკვდავყო ლექსებში, სიმღერებში, ფილმებში და ძეგლებშიც კი. ვინაიდან ის ასეთი შედევრია, აუცილებელია საუკეთესო ცომის მომზადება ამ პატარა ცომის გუფთებისთვის.

ფუმფულა ცომი, რომელიც კეფირზეა დამზადებული, დიასახლისებში დიდი პოპულარობით სარგებლობს. ის არის მოცულობითი, წვნიანი და ასეთი გამოდის კეფირის ან სხვა რძემჟავა პროდუქტების წყალობით.

ინგრედიენტები

600 გრამი ფქვილი

ორი კვერცხი

125 მილილიტრი კეფირი

125 მილილიტრი წყალი

ორი სუფრის კოვზი შაქარი

ნახევარი ჩაის კოვზი მარილი

ორი ჩაის კოვზი მშრალი საფუარი

მომზადება

1. ათქვიფეთ კვერცხი შაქართან ერთად.

2. დაამატეთ წყალი, კეფირი და მარილი. მოურიეთ.

3. შეურიეთ ფქვილი საფუარს. ჩაამატეთ ფქვილი კეფირიან მასაში მცირე პორციებით, თან ურიეთ. ცომი უნდა გახდეს სქელი, ისე რომ კოვზი მასში გაჩერდეს.

4. გადმოიღეთ ცომი მაგიდაზე, რომელსაც ფქვილი ექნება მოყრილი და მოზილეთ. იმისათვის, რომ ცომი გამოვიდეს ელასტიური, დადგით 15 წუთით, დააფარეთ ჯამი. ვარენიკების ცომი მზადაა.

ამ ცომით მომზადებული ვარენიკები გამოდის ფუმფულა. მათი მომზადება შეიძლება ორთქლზე ან უბრალოდ მოხარშეთ – ორივე შემთხვევაში შედეგი საოცარია.

ვარენიკები გემრიელია ხაჭოთი, კარტოფილითა და ალუბლითაც კი.

გემრიელად მიირთვით!


  მსგავსი სიახლეები

  კომენტარები