სომხურ ლავაშს აღმერთებენ როგორც უფროსები, ისე ბავშვები. მას იყენებენ პურისა და ფენოვანი ღვეზელების სახით, ცივ საუზმეებსა და ლაზანიებშიც კი. გემრიელად ჭამა ყველას უყვარს, თუმცა საფუარიან ცომთან ურთიერთობა – თითქმის არავის. ჩვენ გთავაზობთ რეცეპტს, რომლის მიხედვითაც ადვილია ლავაშის მომზადება სახლში.
ფირფიტები გამოდის ელასტიური, არომატული და ადვილად იხვევა. მის მისამზადებლად არც საფუარია საჭირო და არც არაფერი. დაგჭირდებათ მხოლოდ ოთხი ინგრედიენტი. ის ჩვეულებრივი პურის კარგი ალტერნატივაცაა და საუკეთესო მასალა რულეტების მოსამზადებლად.
როგორ მოვამზადოთ ლავაში
ინგრედიენტები
350 გრამი ხორბლის ფქვილი
200 მილილიტრი ცხელი წყალი
ორი სუფრის კოვზი ზეთი
ნახევარი ჩაის კოვზი მარილი
მომზადება
1. ფქვილი ჩაყარეთ სუფთა მშრალ ჯამში ბორცვის სახით. შუაში გააკეთეთ ჩაღრმავება.
2. ჩაასხით მასში ზეთი, დაამატეთ მარილი და შეურიეთ ცხელი წყალი. ფრთხილად გადაურიეთ ჩანგლით.
3. მოზილეთ ცომი ხელით, 4-5 წუთის განმავლობაში, სანამ არ გასქელდება.
4. შეახვიეთ ცომი საკვებ ცელოფანში და დატოვეთ 15-30 წუთით.
5. უსაფუარო ცომისგან გააკეთეთ ძეხვი და დაჭერით 8-10 ტოლ ნაწილად. თითოეული ნაჭრისგან გააკეთეთ პატარა ფირფიტა, ამოავლეთ ფქვილში და შემდეგ გააბრტყელეთ 1-2 მილიმეტრი სისქის მრგვალი ლავაშის სახით.
6. დააწყეთ ფირფიტები მორიგეობით, კარგად გაცხელებულ ტაფაზე და გამოაცხვეთ საშუალო ცეცხლზე, 20-30 წუთით, ორივე მხარეს.
7. მზა ფირფიტები დააწყვეთ ერთმანეთზე და დააფარეთ ტენიანი ჩაის ტილო.
ლავაშის მომზადება უსაფუარო ცომისგან საოცრად მარტივი და სწრაფი პროცესია. ასევე მაცივარში გაყინული ლავაში ინახება თითქმის ერთი წელი. გამოიღეთ და გაუმასპინძლდით სტუმრებს.
თხელი ლავაში ისე გამოიყენეთ როგორც გსურთ, ჩადეთ მასში სასურველი შიგთავსი ან გამოიყენეთ პურის ნაცვლად.
შეინახეთ რეცეპტი და გაუზიარეთ მეგობრებს! ისინიც დააფასებენ ინგრედიენტების ხელმისაწვდომობასა და მომზადების სიმარტივეს.