სანამ სხვები ბლინებსა და ოლადებს აცხობენ, მე ვხარშავ კრემს ხილის წვენით. მომზადებისას გამოიყენება ლიმონი ან მხოლოდ მისი წვენი. გთავაზობთ ლიმონის ნამცხვარს, რომელსაც ლიმონის კრემის ფენა ექნება. გვერწმუნეთ, მისი ჭამა სულ გენდომებათ.
მჟავე და არომატული ლიმონის მოყვარულები აღფრთოვანებულები დარჩებიან. არანაკლებ მნიშვნელოვანია სწორი კრემის მომზადება. მოცემულ რეცეპტში იდეალური კონსისტენციის არაჟანი და შოკოლადია. ლიმონის მასას კრემს არ ამატებენ, მას ნამცხვრის ფენად იყენებენ.
ინგრედიენტები
შვიდი ცალი კვერცხი
275 გრამი შაქარი
ერთი მწიკვი მარილი
სამი სუფრის კოვზი ზეთი
ხუთი სუფრის კოვზი ფქვილი
ნახევარი ჩაის კოვზი გამაფხვიერებელი
ნახევარი ჩაის კოვზი ლიმონის ესენცია
300 გრამი თეთრი შოკოლადი
375 მილილიტრი არაჟანი
100 მილილიტრი ლიმონის წვენი
75 გრამი კარაქი
მომზადება
1. აადუღეთ არაჟანი, გადმოდგით ცეცხლიდან, დაამატეთ დატეხილი თეთრი შოკოლადი. ურიეთ სანამ არ გადნება.
2. გააციეთ მასა, შედგით მაცივარში ორი საათით, შემდეგ ათქვიფეთ მიქსერით.
3. შეურიეთ 150 გრამი შაქარი ლიმონის წვენს, გააცხელეთ დაბალ ცეცხლზე, თან ურიეთ. როცა შაქარი გადნება, გადმოდგით ცეცხლიდან.
4. ათქვიფეთ ორი კვერცხი. ჩაასხით კვერცხიან მასაში ლიმონის ცხელი სიროფი წვრილი ჭავლის სახით. ნარევი ხარშეთ ნელ ცეცხლზე, რამდენიმე წუთის განმავლობაში.
5. გადმოდგით ცეცხლიდან, დაამატეთ კარაქი, გააგრძელეთ მორევა, სანამ არ გადნება. დააფარეთ ნარევს და დააცადეთ გაციება.
6. აიღეთ ხუთი კვერცხი, გააცალკევეთ ცილა გულისგან. ათქვიფეთ თავიდან ცილები 125 გრამ შაქართან და მწიკვ მარილთან ერთად ქაფის წარმოქმნამდე.
7. ათქვიფეთ კვერცხის გულები ზეთთან ერთად, შეურიეთ ცილოვან მასას, ჩაასხით ესენცია, დაამატეთ გამაფხვიერებელი და ფქვილი. მოზილეთ ცომი.
8. საცხობ ფორმას დააფარეთ პერგამენტი, ჩაასხით ცომი, გამოაცხვეთ ნახევარი საათის განმავლობაში 170 გრადუს ტემპერატურაზე. შემდეგ გააციეთ და სამ ნაწილად გაყავით.
9. წაუსვით ერთ ფენას რეცეპტის პირველ პუნქტში მომზადებული კრემი, შემდეგ მესამე ეტაპზე მომზადებული ლიმონის კრემი, დააფარეთ მას მეორე ფენა და იგივე გაიმეორეთ. ბოლო ფენაზე არ წაუსვათ, დააცადეთ სანამ კრემი გაუჯდება. მირთმევის წინ დაჭერით ნაჭრებად.
მოამზადეთ უფრო მეტი კრემი, თუ მოგეჩვენებათ, რომ ნამცხვარი არასაკმარისად მორთულია. შეგიძლიათ ზედა ფენაზე წაუსვათ შაქრის პუდრასთან ათქვეფილი ნაღები.
თუ მოგეწონათ რეცეპტი, გაუზიარეთ მეგობრებს!