ეს ვარჯიშები გამოსაყენებელია ხეხემლის წელის ნაწილის თიაქარის დროს.
მეთოდი ეკუთვნის ვალენტინ დიკულს. მან საკუთარი გამოცდილებით შეიტყო თუ რა არის ხერხემლის ტრავმა, როცა ექიმები სიარულის გარანტიას არ აძლევდენენ. ეს განკურნების დაუჯერებელი ისტორიაა, როცა 13 მეტრის სიმაღლიდან ჩამოვარდნის შემდეგ (5 წელი პარალიზებული იყო), ის კვლავ დაუბრუნდა ცირკს.
ვალენტინი ამბობს: ,,ექიმებმა მამცნეს, რომ დარჩენილ ცხოვრებას ეტლში გავატარებდი, მაგრამ მე გადავწყვიტე მებრძოლა.” მან შეიმუშავა ხერხემლის აღდგენის სხვადასხვა მეთოდიკა.
ხერხემლის წელის ნაწილის თიაქარის მკურნალობის ყველაზე ეფექტური მეთოდი – ეს ვარჯიშებია. მათი ამოცანაა კუნთები დააბრუნოს ოპტიმალურ მდგომარეობაში, მოადუნოს დაჭიმული კუნთები, სუსტ კუნთებს კი ტონუსი დაუბრუნოს. მეთოდი მხოლოდ 6 ვარჯიშს მოიცავს. ეფექტურობა თვალსაჩინოა.
ვალენტინ დიკულის სამკურნალო ვარჯიშები
1. ვარჯიში 1
დადექით ოთხზე, ხელები ფართოდ გაშალეთ, ზურგი გაასწორეთ, იყურეთ წინ. ღრმად ჩაისუნთქეთ, ამოსუნთქვისას ბარძაყები ქუსლებზე დაუშვით, ზურგი მოადუნეთ, თავი დახარეთ გაჭიმული ხელებისკენ. ჩასუნთქვისას წინ გადაგორდით ხელებზე, თან ისე მოიხარეთ, რომ თავი ზევით იყოს მიმართული. დაყოვნდით ამ პოზაში და კვლავ ჩაჯექით ქუსლებზე. გაიმეორეთ 10-12ჯერ.
2. ვარჯიში 2
საწყისი პოზა ისეთივეა, როგორიც წინა ვარჯიშში. მუხლები ერთადაა, ერთმანეთთან მიტყუპებული ტერფები წამოწიეთ და გააკეთეთ ქნევები ტერფებით გვერდებზე, თან დაეყრდენით მიხლებს. ამ სახით ხერხემალი მოძრაობს წელის არეში, მხრები და მკერდი კი უძრავია. გაიმეორეთ 10-12ჯერ თითო მხარეს.
3. ვარჯიში 3
საწყისი მდგომარეობა იგივეა. ზურგი გაასწორეთ, ნიკაპი იატაკის პარალელურად. ამ ვარჯიშისას აუცილებელია, საჯდომი ჩაუშვათ მორიგეობით გვერდებზე, ქანქარის მსგავსად, სანამ ტკივილს არ იგრძნობთ (რაც შეიძლება ქვემოთ). საწყის პოზაში არ შეჩერდეთ, იქანავეთ ერთი მხრიდან მეორისკენ არამკვეთრი მოძრაობებით. თითო მხარეს გაიმეორეთ 10-12ჯერ.
4. ვარჯიში 4
ყველასთვის ცნობილია ვარჯიში ,,კატა”. პოზა იგივეა. ჩასუნთქვისას ზურგი ძლიერად მოხარეთ წელის არეში, თავი გქონდეთ ჭერისკენ. ამოსუნთქვისას თავი ჩაუშვით ხელებს შუა, ზურგი კი ამოზნიქეთ. ასევე გაიმეორეთ 10-12ჯერ.
5. ვარჯიში 5
დაწექით ზურგზე, ფეხები მოხარეთ მუხლებში, ხელები სხეულის გასწვრივ. ნელა ჩაუშვით მუხლები იატაკისკენ, ხან მარჯვნივ – ხან მარცხნივ. აქ მხოლოდ წელის ნაწილი მონაწილეობს. მხრები არ შორდება იატაკს. გაიმეორეთ 10-12ჯერ.
6. ვარჯიში 6
საწყისი მდგომარეობა იგივეა. მუხლები მოადუნეთ, ხელები სხეულის გასწვრივ და ხელისგულები ქვემოთ. ამოსუნთქვისას მარჯვენა ფეხი თქვენკენ მისწიეთ, ნელა ამოისუნთქეთ და ფეხი იატაკზე ჩაუშვით ჩასუნთქვისას. გაიმეორეთ 10-12ჯერ თითო ფეხისთვის.
ეს რუსულენოვანი ვიდეო გაკვეთილი აუცილებელია მეტი თვალსაჩინოებისთვის.
ეს ვარჯიშები მარტივია. საჭიროა მათი ყოველდღიური გაკეთება არანაკლებ 1 საათის განმავლობაში. თუ ყველა წესს დაიცავთ, ტკივილი აუცილებლად გაივლის. გისურვებთ ჯანმრთელობას!