აი, რა უნდა გააკეთოთ თუ ხელი დაგეწვათ.

4.7K

თითოეულ ჩვენგანს უწვნევია სხვადასხვა ტიპის დამწვრობა. მიზები ბევრია, შედეგი კი – აუტანელი ტკივილი, სიწითლე, ბუშტუკები და შოკიც კი.

დამწვრობა შეიძლება გართულდეს ინფექციებით, ნივთიერებათა ცვლის მოშლითა და სიკვდილითაც კი.

მდუღარეთი და ორთქლით დამწვრობა

პირველადი დახმარება

1. სასწრაფოდ მოაცილეთ გამაღიზიანებელი ფაქტორი – წყალი ან ორთქლი. მთავარია, არ ჩავარდეთ პანიკაში და იმოქმედოთ სწრაფად.
2. თუ დაზიანების ფარტობი პატარაა და არ არის მძიმე, დამწვარი ადგილი გამდინარე წყლით გააგრილეთ. პროცედურა მოიცავს 15-20 წუთს. წყალი არ უნდა იყოს ყინულოვანი.
3. დააფარეთ დაზიანებულ ადგილს მშრალი, სტერილური სახვევი.
4. თუ ტრავმა მტკივნეულია, მიიღეთ ნებისმიერი ტკივილგამაყუჩებელი ან არასტეროიდული ანთების საწინააღმდეგო პრეპარატი.

რა არ უნდა გააკეთოთ

1. ძლიერი დამწვრობისას სასტიკად არ შეიძლება ჭრილობიდან ტანსაცმლის აგლეჯვა, თუ ის მიწებებულია.
2. არ შეეხოთ ჭრილობას ხელით.
3. არ წაისვათ მასზე მალამო, ზეთი და სხვა, ასე ხელს შეუწყობთ ინფექციის განვითარებას.
4. არ დაიდოთ ჭრილობაზე თოვლი, ყინული.
5. არ დაიმუშაოთ ჭრილობა გამაღიზიანებელი ანტისეპტიკური საშუალებებით – იოდით, ზეჟანგით, სპირტით.
6. არ გახეთქოთ ბუშტუკები.

დამწვრობა ზეთით

პირველადი დახმარება

1. მოიშორეთ ზეთის ფენა ქაღალდის ხელსახოცით.
2. ჭრილობა ჩამოიბანეთ ცივი, გამდინარე წყლით 15-20 წუთის მანძილზე.
3. თუ ვერ ახერხებთ დამწვარი ადგილის ჩამობანას, ფრთხილად გაათავისუფლეთ ტანსაცმლისგან და გააციეთ სპეციალური აეროზოლის ან გელის საშუალებით.
4. თუ კანზე ბუშტები წარმოიქმნა, არ უჩხვლიტოთ.
5. ძლიერი ტკივილისას მიიღეთ ტკივილგამაყუჩებლები.

რა არ უნდა გააკეთოთ

1. არ ჩამოიბანოთ დამწვრობა მაშინვე, ჯერ ზეთი მოიცილეთ.
2. არ გამოიყენოთ დამწვრობის საწინააღმდეგო კრემები.
3. არ მოშარდოთ დამწვრობაზე, არ წაუსვათ მალამო, კვერცხის ცილა ან სხვა ხალხური მეთოდები.

ქიმიური დამწვრობა

პირველადი დახმარება

1. მოიშორეთ გამაღიზიანებელი და გააციეთ ცივი, გამდინარე წყლით დამწვარი ადგილი, კვლავ 15-20 წუთით.
2. ქიმიური საშუალება უნდა გაანეიტრალოთ: მჟავა – ტუტეთი, ტუტე – მჟავით.
3. მჟავათი დაზიანებისას ჭრილობა ზოდით ან საპნიანი წყლით ჩამოიბანეთ, ტუტეთი დამწვრობისას – განზავებული ძმარმჟავათი.
4. აგენტის ნეიტრალიზების შემდეგ დაიდეთ სტერილური სახვევი.

რა არ უნდა გავაკეთოთ

1. არ მიიდოთ კომპრესები და სველი სახვევები, არ წაისვათ ზეთი, მიიკარეთ მხოლოდ წყალი.
2. დამწვრობის გართულების შესაჩერებლად, მას ხელით არ შეეხოთ.
3. დაზიანების მაღალი ხარისხის დროს, მიმართეთ ექიმს.

თვალის დამწვრობა

პირველადი დახმარება

1. თუ თვალში მოგხვდათ შხამიანი ნივთიერება, სწრაფად და გულმოდგინეთ დაიბანეთ ცივი წყლით 30-40 წუთის განმავლობაში.
2. შემდეგ თვალი დაიბანეთ ოთახის ტემპერატურის ჩაის ნაყენით.
3. ეფექტურია ცივი ჩაის კომპრესიც.
4. მიმართეთ ოფთალმოლოგს.

მზის დამწვრობა

პირველადი დახმარება

1. გადაინაცვლეთ ჩრდილში ან გრილ ადგილას.
2. დამწვარ ადგილზე დაიდეთ სველი, ცივი სახვევი.
3. მიიღეთ ცივი შხაპი ან აბაზანა.
4. თუ გაქვთ თავბრუსხვევა, გულისრევა, თავის ტკივილი – მიმართეთ ექიმს!
5. პარაცეტამოლი ან სხვა არასტეროიდული ანთების საწინააღმდეგო საშუალება ტკივილის მოხსნაში დაგეხმარებათ.

რა არ უნდა გავაკეთოთ

1. არ მიიდოთ დამწვარ კანზე ყინული, არ დაიბანოთ საპნით, არ გაიხეხოთ.
2. კანზე არ წაისვათ ვაზელინი და მსგავსი ცხიმები.
3. ბუშტუკები არ გახეთქოთ.
4. გამოჯანმრთელებამდე არ იყოთ მზეზე.
5. არ მიიღოთ ალკოჰოლი, ყავა, მაგარი ჩაი.

დამწვრობები, თუნდაც უმნიშვნელო, ამცირებს მოცირკულირე სისხლის მუშაობას, ამიტომ აუცილებელია სვათ ბევრი – არამხოლოდ წყალი, არამედ რაიმე ტკბილი და თბილი, მაგალითად, ჩაი ან კომპოტი.

შეინახეთ რჩევები და გაუზიარეთ მეგობრებსაც, ეს ყველას გამოადგება.