არსებობს ერთმანეთთან დაკავშირებული საკითხები: სწორი კვებითი ჩვევები საუკეთესო ნოვთიერებათა ცვლის საწინდარია. მას კი ბონუსად ემატება ჯანმრთელი კანი, ლამაზი თმა, კარგი ფიგურა და დადებითი განწყობები.
სწორი კვებითი ჩვევები გულ-სისხლძარღვთა დაავადებების, ადრეული დაბერებისა და ნაადრევი სიკვდილის საუკეთესო პროფილაქტიკაა.
ყოველდღიური სწორი კვება გასახდომად
1. წყალი სიცოცხლის წყაროა. მისი საკმარისი რაოდენობით გამოყენება ყველა ორგანოს სიცოცხლისუნარიანობას უნარჩუნებს. წყალი ორგანიზმს მიკროელემენტებითა და კვებითი ნივთიერებებით ამარაგებს, მონაწილეობს მავნე ნივთიერებების გამოყოფის პროცესში.
სხვადასხვა ცხოველქმედების შედეგად (ოფლი, შარდი) ორგანიზმი დღეღამეში კარგავს 2-3 ლიტრ წყალს, რომელიც აუცილებლად უნდა შეავსოთ.
2. თუ ღებულობთ ალკოჰოლს, ეს უნდა იყოს მხოლოდ წითელი ღვინო, ისიც მშრალი. 50 გ წითელი მშრალი ღვინო ვახშამზე გაგათავისუფლებთ გულ-სისხლძარღვთა სისტემის პრობლემებისგან. გაზრდის იმუნიტეტს და შეაჩერებს ტვინის სისხლძარღვების ასაკობრივ ცვლილებებს. ღვინო ასევე ამცირებს ტკბილისადმი მოთხოვნილებას.
3. საკვების მიღების რეგულარულობა – კუჭ-ნაწლავის მოწესრიგებული მუშაობის გარანტია. საათობრივი კვება არეგულირებს ძილს და ხელს უწყობს ნერვული სისტემის მდგრადობას. ნორმაში მოჰყავს არტერიული წნევა.
4. მთავარი კვებითი თვისება – დაბალანსებული კვებაა. მაგალითად, 3-4 დღე ვაშლის დიეტა ძალიან სასარგებლოა ორგანიზმისთვის, მაგრამ მისი გაგრძელება უკვე მავნეა და პირიქით – ყოველდღიურად კარაქის გამოყენება, სამწუხარო შედეგებამდე მიგვიყვანს. მისი თხელი ფენა კი – ტოსტზე – ენერგიის წყაროა.
5. სასარგებლო ნივთიერებების სამი სახე, რომელიც თქვენს მაცივარში უნდა იყოს: 1. ცხოველური წარმოშობის ცილები – ხორცი კვერცხი, რძის პროდუქტი. 2. ომეგა 3 ცხიმოვანი მჟავები – თევზი, სელის ზეთი, ისპანახი. 3. რთული ნახშირწყლები – შვრია, წიწიბურა, ბრინჯი.
6. ისწავლეთ სისტემატურად ისაუზმოთ ნოყიერად. მაღალკალორიული საუზმე არამარტო აქტიური დღის საწინდარია, არამედ გახდომისთვისაც გამოგადგებათ.
7. დაიმახსოვრეთ! საკვების ბოლო მიღება უნდა მოხდეს ძილამდე არაუგვიანეს 3 საათისა. ვახშმისთვის დიეტოლოგები გვთავაზობენ მსუბუქ პროდუქტებს: ფაფა, ქათმის ფილე, რძე, ბოსტნეული, ხილი, ხაჭო.
8. თავისუფალი შაქრის მოხმარების ნორმა არ უნდა იყოს 50 გრამზე მეტი, ეს კი 12 ჩაის კოვზია. მაგრამ არ დაივიწყოთ, რომ თაფლი, ხილი ასევე შეიცავს შაქარს. ასევე დამღუპველი შაქარი ასევე შედის გაზიან სასმელებში, პურში, ნამცხვარში, წვენებში.
9. იგივე ეხება მარილს, რომლის საერთო მოხმარება დღეში ერთი ჩაის კოვზი უნდა იყოს. ეს იმის გათვალისწინებით, რომ მარილს შეიცავს პური, კონსერვები, მზა პროდუქტები.
10. ბოსტნეული და ხილი მიიღეთ რეგულარულად, მაგრამ არაუმეტეს 400 გრამისა დღეში. უპირატესობა მიანიჭეთ ადგილობრივ ბოსტნეულს: სტაფილო, ჭარხალი, ყაბაყი, ბადრიჯანი, ასევე მიირთვით სეზონური ხილი. თავი აარიდეთ კარტოფილის ხშირად გამოყენებას, რადგან ის კალორიულია.
11. აქტიური მოძრაობა კვებასთან ერთად აამაღლებს კუნთების ტონუსს და დაეხმარება შინაგან ორგანოებს ნორმალურ მუშაობაში.
12. ექიმებიც და მწვრთნელებიც ერთხმად ამბობენ: ფიზიკური აქტივობისთვის საუკეთესო დროა 5დან 8 საათამდე. აუცილებელი არაა დარბაზში სიარული, მსუბუქი ვარჯიში დილით და ძილის წინ ძალიან სასარგებლოა.
13. გაჯანსაღების პროცესში ორგანიზმს ეხმარება ძილის სწორი რეჟიმი. სრულყოფილი დასვენებისთვის ჯანმრთელ ადამიანს სჭირდება დღეში 7-8 საათი. ასევე ეს რეჟიმი დაიცავით დასვენების დღეებშიც.
რამდენი წლისაც არ უნდა იყოთ, არასდროსაა გვიან, გადახედოთ თქვენს კვების ჩვევებს და დღის რეჟიმს. რამდენ პუნქტს იცავთ ჩამოთვლილთაგან? მოგვიყევით კომენტარებში!