ჩვენ მოვამზადეთ კვერცხის სალათების 10 რეცეპტი, რომლებიც ყველაზე ხელმისაწვდომი პროდუქტებისგან მზადდება.
კვერცხი უნივერსალური პროდუქრია, მისგან სალათებს, ცხელ კერძებს, დესერტებს ამზადებენ.
სალათა მწვანე ხახვით
ინგრედიენტები
- 4 კვერცხი
- 4 ს.კ. არაჟანი
- 1 კონა მწვანე ხახვი
- მარილი, პილპილი
მომზადება
- მოხარშეთ კვერცხი, გააციეთ, გაფცქვენით, დაჭერით. ხახვი წვრილად დაჭერით.
- ჩაყარეთ ყველაფერი სასალათეში, მოასხით არაჟანი, დაამატეთ მარილი, პილპილი. აურიეთ. მიირთვით ეგრევე!
სალათა სიმინდითა და კვერცხით
ინგრედიენტები
- 4 კვერცხი
- 200 გ სიმინდის კონსერვი
- 150 გ ყველი
- 4 ს.კ. მაიონეზი
მომზადება
- გახეხეთ ყველი მსხვილად, მოხარშეთ კვერცხი, გაფცქვენით, დაჭერით.
- ყველა პროდუქტი შეურიეთ ერთმანეთს, დაასხით მაიონეზი და აურიეთ. მზა კერძი მიიტანეთ სუფრასთან.
სალათა მდნარი ყველით
ინგრედიენტები
- 4 კვერცხი
- 2 მდნარი ყველი
- 3 კბილი ნიორი
- 4 ს.კ. მაიონეზი
- მარილი, პილპილი
მომზადება
- მოხარშული კვერცხი და მდნარი ყველი წვრილად გახეხეთ.
- ინგრედიენტები ღრმა თასზე დაალაგეთ, მოაყარეთ მარილი, პილპილი, დააყარეთ მაიონეზი და დაჭყლეტილი ნიორი. კარგად აურიეთ. მზა კერძი მიიტანეთ ცალკე ან ტოსტებზე წასასმელად.
სალათა პომიდორით და კვერცხით
ინგრედიენტები
- 3 კვერცხი
- 3 პომიდორი
- 1 ხახვი
- 3 ს.კ. არაჟანი
- 1 კონა კამა
- 0,5 ჩ.კ. მშრალი ნიორი
- მარილი, პილპილი
მომზადება
- პომიდორი და მოხარშული კვერცხი დიდ კუბებად დაჭერით, ხახვი და კამა კი – წვრილად.
- შეურიეთ ყველაფერი, დაამატეთ არაჟანი, პილპილი, მარილი დ ნიორი. აურიეთ. სუფრაზე მიტანამდე გახუხული პური დაამატეთ.
ამერიკული სალათა
ინგრედიენტები
- 3 კვერცხი
- 2 ღერო ნიახური
- 2 კონა კამა
- 1 კონა მწვანე ხახვი
- 2 ს.კ. მაიონეზი
- 1 ს.კ. დიჟინოს მდოგვი
- 1 კიტრის მწნილი
- 0,5 ჩ.კ. პაპრიკი
- შავი პილპილი
მომზადება
- კიტრი, ნიახური, ხახვი, კამა წვრილად დაჭერით.
- მოხარშული კვერცხი დაჭერით კუბებად, შეურიეთ ბოსტნეულს.
- მოაყარეთ მარილი, პილპილი, მდოგვი, კარგად აურიეთ. სალათა სუფრასთან მიაქვთ სენდვიჩის პურებთან ან ჩიფსებთან ერთად.
სალათა კვერცხითა და ლორით
ინგრედიენტები
- 5 კვერცხი
- 500 გ ლორი
- 1 ბულგარული წიწაკა
- 1 კიტრი
- 200 გ სიმინდის კონსერვი
- 1 კონა კამა
- 3 ს.კ. მაიონეზი
- მარილი, პილპილი
მომზადება
- ბულგარული წიწაკა და კიტრი ზოლებად დაჭერით. წვრილად დაჭერით კამა.
- მოხარშული კვერცხი პატარა კუბებად დაჭერით, დაამატეთ სხვა ინგრედიენტებიც. მოაყარეთ მარილი, პილპილი, აურიეთ მაიონეზი.
სალათა ავოკადოთი და კვერცხით
ინგრედიენტები
- 5 კვერცხი
- 1 ავოკადო
- 1 წითელი ხახვი
- 2 ს.კ. იოგურტი
- 1 ჩ.კ. ლიმონის წვენი
- 1 ჩ.კ. დიჟონის მდოგვი
მომზადება
- კვერცხი მაგრად მოხარშეთ.
- შეურიეთ იოგურტი, მდოგვი, ლიმონის წვენი, მარილი.
- ხახვი წვრილად დაჭერით, გაფცქვნილი ავოკადო და კვერცხი საშუალო კუბებად დაჭერით. ყველაფერი შეურიეთ ერთმანეთს და დადგით სალათა ცოტა ხნით. მზა კერძი მიიტანეთ სალათის მწვანე ფოთლებითაც.
სალათა კრევეტებით
ინგრედიენტები
- 3 კვერცხი
- 500 გ კრევეტები
- 1 კიტრი
- 3 ს.კ. არაჟანი
- 1 ჩ.კ. დიჟონის მდოგვი
- 1 ჩ.კ. ლიმონის წვენი
- 1 კონა კამა
მომზადება
- მოხარშეთ კვერცხი და კრევეტები, გაფცქვენით ორივე და გააციეთ.
- კიტრი ზოლებად დაჭერით, კვერცხი კუბებად, კამა, წვრილად.
- შეურიეთ ყველაფერი და დაამატეთ მარილი, პილპილი, არაჟანი, მდოგვი და ლიმონის წვენი. მზა სალათა კრეკერებთან ან ტარტალეტკის ფორმებზე მიიტანეთ.
სალათა ომლეტით და სტაფილოთი
ინგრედიენტები
- 4 კვერცხი
- 250 გ კორეული სტაფილო
- 200 გ სიმინდის კონსერვი
- 1 ს.კ. ფქვილი
- 3 ს.კ. მაიონეზი
- 50 მლ ზეთი
მომზადება
- ათქვიფეთ კვერცხი ღრმა ჯამში, მოაყარეთ მარილი, დაამატეთ ფქვილი და კვლავ ათქვიფეთ. გააკეთეთ მისგან თხელი ბლინები ტაფაზე.
- დიდ სასალათეში შეურიეთ სტაფილო, წვრილად დაჭრილი ბლინები, სიმინდი, მოასხით მაიონეზი. სალათისთვის შეგიძლიათ ლორის ან ქათმის მკერდის დამატება.
სალათა ომლეტით და ქათმით
ინგრედიენტები
- 5 კვერცხი
- 300 გ ქათმის ფილე
- 1 წითელი ხახვი
- 200 გ ბარდას კონსერვი
- 1 კბილი ნიორი
- 3 ს.კ. მაიონეზი
- 50 მლ ზეთი
მომზადება
- ფილე გარეცხეთ, დაასხით ცივი წყალი და მოხარშეთ.
- ცალკე ათქვიფეთ კვერცხი, მარილი და პილპილი. შეწვით თხელი ბლინები.
- ხორცი და ბლინები თხელ ზოლებად დაჭერით, ხახვი – ნახევარ რგოლებად.
- შეურიეთ ყველაფერი ღრმა ჯამში, დაამატეთ მაიონეზი, მარილი და პილპილი. მიიტანეთ სუფრასთან.
ამ სიიდან აუცილებლად სცადეთ თუნდაც 1-2 ვარიანტის მომზადება. დაგჭირდებათ მინიმალური დრო და ენერგია, თითოეულის გემო კი ძალიან მოგეწონებათ. ინგრედიენტებიც საკმაოდ ხელმისაწვდომია.
მოამზადეთ სალათები სიამოვნებით და გაუზიარეთ რეცეპტები თქვენს მეგობრებს!