კლასიკური ჟოლოს მურაბა ყველას უყვარს. დღეს გეტყვით, როგორ უნდა მიანიჭოთ მას განსაკუთრებული გემო. ამისთვის მურაბაში ბანანი უნდა დაამატოთ.
ჟოლოს მურაბის გემო ხილის საღეჭ რეზინს მოგაგონებთ. იდეალური შეთანხმებაა!
ჟოლო ზამთრისთვის
ჟოლო პრეტენზიული კენკრაა. სჯობს, მისი მურაბა მოხარშოთ ბალახეულთან – პიტნა, ბაზილიკი. შეგიძლიათ სხვადასხვა ხილიც დაამატოთ: ვაშლი, მსხალი, ბანანი. მარწყვს და მოცხარს მალინა არ ემეგობრება.
ინგრედიენტები
- 1 კგ ახალი ჟოლო
- 250 გ ბანანის რბილობი
- 800 გ შაქარი
- 1 ჩ.კ. ლიმონის მჟავა ან 1 ლიმონის წვენი
თუ მურაბას გაყინული ჟოლოსგან მოამზადებთ, გაადნეთ მომზადებამდე და ზედმეტი სითხე გადაღვარეთ. თუ არომატი დაკარგა, ხარშვის ბოლოს ვანილი და 30 მლ კონიაკი დაამატეთ (1 კგზე).
მომზადება
- ჟოლო სქელძირიან ქვაბში მოათავსეთ. ჩაჭყლიტეთ პიურეს სახით ბლენდერით ან საჭყლეტით.
- თხლად დაჭერით ბანანი, მიამატეთ კენკრას.
3. პიურეში ჩაყარეთ შაქარი და ლიმონმჟავა. აურიეთ და დადგით საშუალო ცეცხლზე. ურიეთ, რომ არ მიიწვას.
4. აადუღეთ მურაბა და ჩაუწიეთ ცეცხლს ბოლომდე. ადუღებიდან ხარშეთ 10-20 წუთი. ურიეთ. მოხადეთ ქაფი. თუ სქელი ჯემის მიღება გსურთ, კვლავ 30-40 წუთი ხარშეთ, ან პექტინი ჩაამატეთ (15 გ 1 კგ ხილზე).
5. ცეცხლიდან გადმოდგმის გარეშე მურაბა მშრალ სტერილურ ქილებში ჩაასხით და მოხუფეთ. მომზადებული მურაბა გადააბრუნეთ ან დადგით თავდაყირა. დააფარეთ თბილი პლედი, სრულ გაციებამდე. შეინახეთ ცივად.
იმედი გვაქვს, ეს რეცეპტი მოგეწონებათ თქვენ და თქვენს ახლობლებს. შეინახეთ სტატია და გაუზიარეთ ის მეგობრებს!