,,თუ ხელისუფლება უმრავლესობის ცხოვრებისთვის არ იქნება გამოყენებული, თუ ისინი ჯიბეებს აივსებენ, ჩვენი საქმე ცუდად იქნება.”
ასევე ქვეყნის მაცხოვრებლებისთვის მკაცრი კანონები მოქმედებს, მათ შორის, სიკვდილით დასჯაც. ზოგი დანაშაულისთვის ჯოხებით სცემენ. ასევე აკრძალული არ არის ბავშვების ფიზიკურად დასჯა. მაღაზიებში სპეციალური ჯოხები იყიდება, რომლითაც ბავშვებს ზრდიან.
ლუ კუან იუს უნდოდა ქვეყანა ჭკვიანი ადამიანებით შეევსო. ,,მნიშვნელოვანი იყო გვესწავლებინა შვილებისთვის ფიქრი.”
პრემიერ-მინისტრი ყველაფერს აკეთებდა, რომ საერთაშორისო კომპანიებს მისი ქვეყნისთვის ყურადღება მიექციათ და მათ ქვეყანაში განევითარებინათ ბიზნესი, რათა ხალხს სამუშაო ადგილი ჰქონოდა.
სინგაპურელებმა აუცილებელი ცოდნა და გამოცდილება მიიღეს და შექმნეს თავიანთი წარმოების პროდუქტები, მაგალითად, ,,სინგაპურული ავიახაზები” – ერთ-ერთი საუკეთესო მსოფლიოში.
ხალხს მინისტრის პოლიტიკაზე სხვადასხვა აზრი აქვს. პრემიერ-მინისტრმა 50 წლის მანძილზე შეძლო სინგაპური მოწინავე ქვეყნად ექცია, მაგრამ ბევრი თვლის, რომ ბევრი სინგაპურული წესი და კანონი ზღუდავს ადამიანის უფლებებს. თქვენ როგორ თვლით?