მათ ვისაც სურს ფიტნესით დაკავება, იციან, რომ ვარჯიშის წინ აუცილებელია მოთელვა. ამ დროს ისინი ასრულებენ რამდენიმე გაჭიმვით ვარჯიშს და შემდეგ გადადიან უშუალოდ მეცადინეობაზე.
თუმცა ყველას არ უყვარს დროისა და ფულის ხარჯვა სპორტდარბაზებში და ირჩევენ უფრო მისაწვდომ მეთოდს – იოგას სახლის პირობებში. ეს უკანასკნელი მათ ეხმარებათ მოქნილობის მიღწევასა და ფიგურის კორექტირებაში მცირე დროში.
ჩვენ გაჩვენებთ, რომ ზარმაცებისთვის სწრაფი გახდომა სახლის პირობებში რეალურად მიღწევადია. დამწყებნიც კი იოლად აითვისებენ სასარგებლო ვარჯიშს ”აგასეკის”.
”აგასეკის” რეგულარული შესრულებით თქვენ შეძლებთ გახდომას არამარტო ბარძაყებისა და თეძოების მიდამოში, არამედ გახდებით უფრო მოქნილი. რაც არ უნდა ზარმაცი იყოთ, გამოძებნეთ 3 წუთი ამ ვარჯიშისთვის ლამაზი სხეულის შესაძენად. ვარჯიში უნდა შეასრულოთ მშიერ კუჭზე.
ვვარჯიში ”აგასეკი”
1. დაწექით იატაკზე, მოდუნდით 30 წამის განმავლობაში.
2. ასწიეთ ფეხები მაღლა და მოკეცეთ ბაყაყივით: ორივე ფეხის გულები შეაერთეთ ხელებით. იგრძნობთ მუცლის კუნთების დაჭიმვას, დაგეჭიმებათ ბარძაყის უკანა და შიდა ზედაპირებიც – თუ ასე მოხდა, ესე იგი, სწორად აკეთებთ.
3. გაჩერდით ასე 15 წამით და გააკეთეთ 3 ნელი ჩასუნთქვა და ამოსუნთქვა.
4. ნელა აწიეთ თავი და სახე მიუახლოვეთ ფეხების დიდე თითებს. ამ დროს არ დაჭიმოთ კისერი, დაჭიმეთ სხეულის მთლიანი ზედა ნაწილი. გაჩერდით ასე 10 წამი. ისუნთქეთ ღრმად.
5. ჩასუნთქვაზე ნელა დაუშვით თავი და გაასწორეთ ფეხები.
6. მოხარეთ 1 ფეხი მუხლში 15 წამით, შემდეგ მეორე.
ვარჯიში აჩქარებს ნივთიერებათა ცვლას, დილით გამამხნევებელია, საღამოს კი დამაწყნარებელი. საძულველი ცხიმის დასაწვავად დაგჭირდებათ არაერთი ვარჯიში.
აგასეკის გარდა ზარმაცებისთვის სხვადასხვა გასახდომი მეთოდი არსებობს. თუკი დილიდანვე გიჭირთ საწოლიდან ადგომაც კი, შეასრულეთ გამამხნევებელი ვარჯიში ლოგინშივე.
გაუზიარეთ ეს მოკლე ვარჯიში მეგობრებს სოციალურ ქსელებში!