აი, იდეალური დიეტა 75 დან 85 კგ მდე წონის ქალებისთვის

by maia

მრავალ ადამიანს სურს წონაში დაკლება და ამისათვის სხვადასხვა მტანჯველ ხერხს და დამთრგუნველ მეთოდს მიმართავს. ეს კი სწორედ რომ არ არის საჭირო. ექიმმა კოვალკოვმა თავის თავზე გამოსცადა იოლი გახდომის საშუალებები. მან 50 კგ დაიკლო. თავისი გამოცდილების შედეგად ექიმმა შეიმუშავა წონაში კლების მეთოდიკა, რომელიც საკმაოდ პოპულარული გახდა.ჩვენ გთავაზობთ კოვალკოვის დიეტას, რომლის დაცვაც ერთი სიამოვნებაა.

კოვალკოვის დიეტა

დღეისათვის ეს ერთ-ერთი პოპულარული დიეტაა, რომლის წყალობითაც ათასობით ადამიანი ჭარბი წონისგან გათავისუფლდა. მეთოდიკისადმი დიდი ინტერესი მის უნიკალურობაზე მეტყველებს. მოდით, გავარკვიოთ, რაში მდგომარეობს ამ დიეტის არსი.

დასაწყისისთვის უნდა აღინიშნოს მეთოდიკის ფსიქოლოგიური ასპექტები. ექიმი წინააღმდეგია მკაცრი აკრძალვებისა და მონოდიეტებისა, ასევე საკვების მოცულობის მკვეთრი შემცირებისა. მისი აზრით მკაცრ დიეტას მოსდევს ღორმუცელობის პერიოდი და ეს მონაცვლეობა ადამიანის ფსიქიკაზე დამანგრეველად მოქმედებს. წონაში კლების პროცესმა ადამიანს არ უნდა მიაყენოს სტრესი – არც მის პიროვნებას და არც მის ორგანიზმს. ყველაფერი უნდა იყოს ზომიერი, თანმიმდევრული და კარგად მოფიქრებული.

ნორმალური წონის მიღებისა და მისი შენარჩუნებისთვის, პირველ რიგში, უნდა გამოიკვლიოთ ჭარბი წონის მიზეზი, შემდეგ კი დასახოთ ხანგრძლივი პერსპექტივის მიზანი. ამის შემდეგ ყველაზე მთავარია, რომ გააცნობიეროთ და პასუხისმგებლობა აიღოთ საკუთარი წონის მდგომარეობაზე. დიეტების უმრავლესობის არსი იმაშია, რომ თითქოს თქვენს აღნაგობაზე უნდა იზრუნოს ვიღაც სხვამ. თუმცა კოვალკოვის მეთოდი პასუხისმგებლობას თავად გახდომის მოსურნეს ანიჭებს. თუ ამ მიდგომას მიიღებთ, შედეგი დიდხანს არ დააყოვნებს.

ამ დიეტას ბევრი უპირატესობა აქვს: არ არის საჭირო კალორიების ფანატიკურად აღრიცხვა, შიმშილობა და ორგანიზმის ტრავმირება უეცარი ცვლილებებით. ავტორმა თავისი მეთოდი რამდენიმე სტადიად დაყო:

1. მოსამზადებელი ეტაპი

კვების რაციონის ცვლილება ორგანიზმისთვის სტრესია. ცუდი შედეგების თავიდან ასაცილებლად, მოსამზადებელ ეტაპს ყურადღებით უნდა მოეკიდოთ. ყოველდღიური მენიუს პორციები თანდათან შეამცირეთ. ასევე რაციონიდან თანდათან ამოიღეთ მადისაღმძვრელი პროდუქტები. უნდა გათავისუფლდეთ მავნე ჩვევებისგანაც. ამ ეტაპზე ორგანიზმი იგრძნობს შემსუბუქებას. შემდეგ იწყება მოსამზადებელი ეტაპის მეორე ფაზა. ეს ყველაზე რთული პერიოდია, თუმცა სწორედ ის ეხმარება ორგანიზმს, შევიდეს ახალ რიტმში. ამ დროს ნორმაში მოდის ნივთიერებათა ცვლა. ეტაპის ხანგრძლივობა დაახლოებით ორი კვირაა. ამ პერიოდში ხდება კუჭ-ნაწლავის გასუფთავება.

რეჟიმი ითვალისწინებს საკვების ექვსჯერად მიღებას. დილიდან უმჯობესია დალიოთ 200 მლ კეფირი და მიირთვათ ერთი მუჭა კაკალი. ჩვეული სადილი ამ ეტაპზე იცვლება ორი ხემსით:  ერთი ვაშლი და  ნახევარი გრეიფრუტი. შემდეგ კვლავ ერთი ვაშლი და კვლავ ნახევარი გრეიფრუტი. ვახშამზე შეგიძლიათ მიირთვათ 250 გ ბოსტნეულის სალათა და ყველის ნაჭერი. ძილის წინ კი ორი კვერცხის ცილა და ერთი ჭიქა რძე.

ამ მიახლოებითი რაციონის კორექტირება შეგიძლიათ. თუმცა, არ უნდა გამოიყენოთ ცხიმიანი საკვები და ხორცი. ასევე შეზღუდეთ ნახშირწყლები. პარალელურად გაზარდეთ ფიზიკური აქტივობა – მაგალითად, იარეთ ყოველდღიურად.

2. ძირითადი ეტაპი

14 დღის შემდეგ თანდათან გადადით მეორე ეტაპზე. ამ დროს მატულობს პორციები. რაციონში შეიძლება ზღვის პროდუქტის, უცხიმო ხორცის და ხაჭოს შეტანა. ყველა კერძი უნდა მოამზადოთ ორთქლზე, უცხიმოდ. მარილიც შეამცირეთ. ყოველდღიურ სიარულს დაამატეთ ძალისმიერი ვარჯიშები. ამ ეტაპის მთავარი მიზანია, სხეულს ასწავლოს სწორი პროდუქტებისგან სიამოვნების მიღება.

რაციონში ჩართეთ კომბოსტო, კიტრი, ბოლოკი, ხახვი, ისპანახი, მწვანილეული, ხილი, კაკალი, უცხიმო რძემჟავა პროდუქტები. აუცილებელია რეჟიმის დაცვა და ერთსა და იმავე დროს კვება. ექიმი გვირჩევს, ნაბიჯების რაოდენობა გავზარდოთ დღეში 16000მდე. იყავით ამ რეჟიმში მანამ, სანამ წონა არ დარეგულირდება.

3. დამამთავრებელი ეტაპი

ამ დროს ხდება დიეტის შედეგების განმტკიცება. თუ აღწერილ რეჟიმში კომფორტულად ხართ, შეგიძლიათ ის დაიცვათ მთელი ცხოვრება. მესამე ეტაპის ძირითადი წესებია: რაციონში დაბალი გლიკემიური ინდექსის მქონე ბურღულეულის (წიწიბურა), ქატოს პურის, გამომცხვარი კარტოფილის დამატება. ამასთან შეგიძლიათ მიირთვათ ერთი ჭიქა მშრალი ღვინო, შავი შოკოლადის ნატეხი. გამომცხვარი და ტკბილეული კვლავ აკრძალულია.

თუ შევაჯამებთ, –  მეტი სეირნობა, მეტი ფიზიკური აქტივობა და ნაკლები მავნე საკვები – ეს არის ამ დიეტის ძირითადი წესები. მათი დაცვა არცთუ ისე რთულია, მთავარია განწყობა და იმის გაცნობიერება, თუ რისთვის გჭირდებათ ეს ყველაფერი. შემდეგ შესრულება მარტივი ხდება.

სასარგებლოდ მოგეჩვენათ სტატია? გაგვიზიარეთ კომენტარებში თქვენი აზრი, ეს დიეტა კი მეგობრებს გაუზიარეთ!

0

ასევე დაგაინტერესებთ