ხახვის დიეტა – ეფექტური და სასარგებლო ერთად. მინუს 8 კილოგრამი

ხახვი ადვილად შეგვიძლია მივაკუთვნოთ დაბალკალორიულ პროდუქტებს, 100 გ ბოსტნეულში მხოლოდ 47 კალორიაა. არაა გასაკვირი, რომ ხახვის დიეტა, რომელიც ხახვის სუპს ეფუძნება, ერთ-ერთი ყველაზე ეფექტური და პოპულარულია. 3 დღეში 5, 1 კვირაში კი 8 ზედმეტი კილოგრამისგან განთავისუფლდებით.

რა სარგებელი მოაქვს ხახვის დიეტას?

• კუჭ-ნაწლავის მუშაობის სტიმულირებას ახდენს.
• გამოდევნის ზედმეტ სითხეს ორგანიზმიდან და წვავს ცხიმებს.
• აჩქარებს ნივთიერებათა ცვლის პროცესს, რისი წყალობითაც კალორიები სწრაფად იქცევა სასარგებლო ენერგიად.
• მსუბუქად გადამუშავდება.

ხახვის სუპის მოსამზადებლად დაგჭირდებათ (1პორცია):

• ხახვი – 6 ც.
• კომბოსტო – 700 – 800 გ
• ტკბილი წიწაკა (სასურველია მწვანე) – 1 ც.
• სტაფილო – 1 ც.
• პომიდორი – 3 ც.
• ნიახური – 1 კონა
• წყალი – 2 ლ

სუპის მომზადება:

1. ხახვი და სტაფილო გაასუფთავეთ ქერქისგან
2. დაჭერით ხახვი ნახევარწრეებად ან კუბიკებად.
3. დაკეპეთ სტაფილო წვრილ კუბიკებად ან ფირფიტებად.
4. კომბოსტო წვრილად დაკეპეთ.
5. პომიდორი გარეცხეთ და მსხვილად დაჭერით.
6. შეწვით ხახვი მცენარეულ ზეთში მსუბუქ ოქროსფერ შეფერილობამდე. .
7. ცივი წყლით სავსე ქვაბში დაუმატეთ კომბოსტო, სტაფილო და შემწვარი ხახვი.
8. მოხარშეთ ბოსტნეული ნახევრად (კომბოსტო და სტაფილო რბილი უნდა გახდეს).
9. დაუმატეთ ფირფიტებად ან კუბიკებად დაჭრილი წიწაკა, საკმაზები და მარილი.
10. 10 წუთის შემდეგ დაუმატეთ სუპს წვრილად დაჭრილი ნიახური და პომიდორი.
11. 10 წუთის შემდეგ გადმოიღეთ სუპი.

დატკბით კერძით და თან გახდით!

ხახვის დიეტის ეფექტურობის ასამაღლებლად, ისე რომ ჯანმრთელობას ზიანი არ მიადგეს, რამდენიმე წესი უნდა დაიცვათ:

1. დიეტის წინ კონსულტაცია გაიარეთ თერაპევტთან ან გასტროენტეროლოგთან. ამ დიეტას თავისი უკუჩვენებები აქვს: შებერილობა, გასტრიტი ან სხვა კუჭ-ნაწლავის სისტემის დაავადებები.
2. რაციონი მრავალფეროვანი უნდა იყოს. დაშვებულია ქორფა და გამომცხვარი ხილ-ბოსტნეულის მიღება, უცხიმო სახეობის ხორცის და თევზის მოხარშულ მდგომარეობაში, რძის პროდუქტები. მაგრამ, ეს არ ნიშნავს რომ დღეში 1 კილო მოხარშული ქათმის ფილე უნდა მიირთვათ. გახსოვდეთ, რომ დიეტის ძირითადი კერძი – სუპია.
3. დიეტის დროს უარი თქვით შაქარზე, კარტოფილზე, ცომეულზე, ბანანზე, ყურძენზე, სიმინდზე, პარკოსანზე, ალკოჰოლსა და გაზიან სასმელებზე.
4. დაიცავით სასმლის რეჟიმი – არანაკლებ 2,5 ლ წყალი დღეში.
5. მიირთვით სუპი არანაკლებ 3 – 4 ჯერ დღეში.
6. დიეტის ხანგრძლივობამ 14 დღეს არ უნდა გადაჭარბოს. (ძირითადად მოიცავს 7 – 10 დღეს).

თუ დიეტის დროს თქვენი განწყობა გაუარესდა, გაჩნდა ისეთი სიმპტომები, როგორებიცაა: სისუსტე, აპათია, თავის ტკივილი, თავბრუსხვევა, გულისრევა, გულძმარვა – უარი თქვით მსგავს მეთოდზე და მიმართეთ ექიმს.