8 საღამოს ვარჯიში რომელიც დაგეხმარებათ ბავშვივით ჩაგეძინოთ

by Ani

კომფორტულად მოთავსდით საწოლში, გსურთ, რომ ბედნიერი სიზმრები ნახოთ, მაგრამ რაღაც ვერ არის წესრიგში: უბრალოდ ვერ წყვეტთ დედლაინებზე და ახალ გეგმებზე ფიქრს! ან თქვენი სხეული ვერ უძლებს დღის მანძილზე მიღებულ სტრესს. ჩაძინება მსგავს სიტუაციებში ძალიან რთული ხდება, ნუ იჩქარებთ საძილე აბების მიღებას. უბრალოდ გაკეთეთ რამდენიმე სავარჯიშო ბალიშზე თავის დადებამდე და საოცარ შედეგს დაინახავთ უმოკლეს დროში.

8. მძინარე კიდურების პოზა

რა უნდა გავაკეთოთ:

  • დაწექით ზურგზე გასწორებული ფეხებით და ხელებით.
  • გაჭიმეთ ხელები სწორად და მიმართეთ ისინი ჭერისკენ.
  • შეიკავეთ ეს პოზა 60 წამით.
  • შემდეგ მოადუნეთ ზურგი და დაიწყეთ ხელებისა და ფეხების ცახცახი 30-40 წამით, სანამ სისხლის იმპულსს არ იგრძნობთ სხეულში.

შედეგი: მოდუნდება ტანი, გათავისუფლდებით ტოქსინებისგან და დაამარცხებთ ინსომნიას.

7. უკან მიწოლა

რა უნდა გავაკეთოთ:

  • დაჯექით მუხლებზე, უკანალი ქუსლებზე მოაქციეთ, შემდეგ მსუბუქად გადაწექით უკან და ხელისგულები იატაკზე დააწყვეთ.
  • ბოლომდე რომ დაწვებით, ბალანსი იდაყვებით დაიჭირეთ.
  • გაჩერდით ამ პოზაში 30-60 წამი.

შედეგი: მოგიხსნით დაღლილობას ფეხებში, შეამცირებს სისხლის მაღალ წნევას, დაგეხმარებათ ინსომნიის დაძლევაში.

6. თევზის პოზა

რა უნდა გავაკეთოთ:

  • დასხედით იატაკზე წინ გასწორებული ფეხებით და ხელებით უკანალზე. ხელისგულები დაბლა.
  • გახსენით მკერდი და მხრები და ნელა გადაწექით უკან მკლავებზე.
  • მოადუნეთ კისერი და გადაიწიეთ იქამდე, სანამ თავი იატაკს არ შეეხება.
  • გაჩერდით ამ პოზაში 30-60 წამი.

შედეგი: პოზა დაგეხმარებათ ქრონიკული დაღლილობის დროს და აამაღლებს მელატონინის გამომუშავებას, ეს ჰორმონი ტკბილ ძილზეა პასუხისმგებელი.

5. გაჭიმვა

რა უნდა გავაკეთოთ:

  • დაწექით ზურგზე მოღუნული მუხლებით და ხელებით გვერდებზე.
  • შეაერთეთ ფეხისგულები და გახსენით მუხლები.
  • თუ ძლიერ დაჭიმვას გრძნობთ, დაიდეთ ბალიში მუხლების ქვეშ.
  • დარჩით ამ პოზაში 2-3 წთ.

შედეგი: შეგიმცირებთ სისხლის წნევას, დაარეგულირებს გულისცეამას, და გაგიქრობთ თავისტკივილებს.

4. ბედნიერი ბავშვის პოზა

რა უნდა გავაკეთოთ:

  • დაწექით ზურგზე და მუხლები მკერდზე დაიწყვეთ.
  • დაიჭირეთ მარჯვენა ფეხი მარჯვენა ხელით და მარცხენა ფეხი მარცხენა ხელით. დარწმუნდით, რომ ფეხისგულები ჭერს უყურებდეს.
  • წაიღეთ მუხლები გვერდებზე რაც შეიძლება ფართოდ.
  • ამოძრავეთ ტანი ნელა გვერდებისკენ, ნაზდ დაიმასაჟეთ ზურგი.
  • გააკეთეთ სავარჯიშო 1-2- წთ.

შედეგი: მოგიხსნით ზურგის დაძაბულობას და სტრესს.

3. ბარძაყის დაჭიმვა

რა უნდა გავაკეთოთ:

  • დაწექით ზურგზე გაჭიმული ფეხებით და მხრებით.
  • შეინარჩუნეთ დაჭიმული ფეხების მდგომარეობა, აწიეთ ისინი ჭერისკენ, სანამ არ იგრძნობთ დაჭიმულობას.
  • აწიეთ ხელები და ფეხები იატაკიდან და დაიჭირეთ ფეხები ხელებით.
  • გაჩერდით ამ პოზაში 30-60 წამი.

შედეგი: ვარჯიშდება ბარძაყები და მცირდება დაძაბულობა ზურგზე. განსაკუთრებით მაშინ გამოგადგებათ, თუ მთელი დღე ისხედით.

2. ფეხები მაღლა კედელზე

რა უნდა გავაკეთოთ:

  • დაწექით ზურგზე ფეხებით კედლისკენ.
  • დაასვენეთ ხელები გვერდებზე, ხელისგულებით მაღლისკენ.
  • თუ გრძნობთ დაძაბულობას სხეულის რომელიმე ნაწილას, დაიდეთ ბალიში ან პლედი უკანატანთან.
  • დარჩით ამ პოზაში 5-10 წთ.

შედეგი: ეს პოზა ამშვიდებს ნერვულ სისტემას და აქრობს დაღლილობას.

1. მოღუნული პოზა

რა უნდა გავაკეთოთ:

  • დადეთ ბალიში ან დაკეცილი პლედი სკამზე.
  • ჩაისუნთქეთ და დაიდეთ ხელები თავზე, რათა გაიჭიმოს ზურგი.
  • ამოისუნთქეთ და დაიხარეთ, დაწიეთ შუბლი ბალიშისკენ.
  • დადეთ ხელები ბალიშზე და მოადუნეთ სხეული.
  • გაჩერდით ამ პოზაში 30-60 წამი.

შედეგი: ისვენებს ნერვული სისტემა და ზურგი.

დაიმახსოვრეთ: ეს სავარჯიშეობი უნდა იყოს ბოლო რამ, რასაც ძილის წინ გააკეთებთ. ეფექტი რომ არ გააფუჭოთ, ნუღარ შეამოწმებთ ტელეფონს, უყურებთ ტელევიზორს ან მიირთმევთ.

0

ასევე დაგაინტერესებთ