სტრესი შესაძლოა ბევრი პრობლემის მიზეზი იყოს. მაგალითად, კვლევის მიხედვით ადამიანთა 37%, რომლებიც სტრესით იტანჯებიან, აგრეთვე აქვთ ხშირი მარტოობის შეგრძნება. მაგრამ თქვენზეა დამოკიდებული, მისცემთ თუ არა შფოთვას თქვენზე გამარჯვების უფლებას. თუ სტრესის დამარცხება გსურთ, ამისთვის იოგა შესანიშნავი არჩევანია.
ჩვენ გთავაზობთ იოგას გარკვეულ პოზებს, რომლებიც მოდუნებასა და დამშვიდებაში დაგეხმარებათ.
1. არწივის იმიტაცია
ეს პოზა შეგიძლიათ მედიტაციასთან ერთად გააკეთოთ. არ არსებობს ასე გაჩერების განსაზღვრული დრო. ეს პოზა ადუნებს და აწესრიგებს გონებას, როცა ის გადატვირთულია.
- დადეთ ხელები ისე, რომ ხელის გულები მაღლა გქონდეთ.
- გადაკვეთეთ მარჯვენა ხელით მარცხენა.
- გადააჯვარედინე ცერა თითები. დანარჩენი თითები კი დატოვეთ გაშლილი, ხელის გულები კვლავ ზემოთ უნდა იყოს.
2. გულაღმა მწოლიარე პოზა
ეს პოზა კეთდება ზურგზე წოლისას. იწვევს სტრესის შემცირებას და სხეულს ხდის უფრო მეტად მოქნილს.
- დაწექით ზურგზე, მხრები განზე გაშალეთ.
- მოხარეთ მუხლები და მიიტანეთ თეძოებთან.
- ამოისუნთქეთ და გაჭიმეთ მარცხენა ფეხი, მკლავები თავს ზემოთ გაჭიმეთ. ასწიეთ მარცხენა ფეხი მაღლა 15 წამის განმავლობაში და შემდეგ დადეთ იატაკზე.
- შეცვალეთ ფეხი.
3. კატის კუდი
ეს ზურგის ვარჯიშია, რომელიც ხსნის დაძაბულობას წელის არეში. ამას გარდა, ის ეფექტურად ებრძვის შფოთვას.
- დაწექით ზურგზე და გადასწიეთ მენჯი მარჯვენა მხარეს.
- მოხარეთ მარჯვენა მუხლი და მიიტანეთ მკერდთან, ამ პოზაში ნელა გადაიხარეთ მარცხენა მხარეს.
- მოხარეთ მარცხენა ფეხიც. მიიტანეთ ტერფი დუნდულების მხარეს ისე, რომ მარცხენა ქუსლი მარჯვენა ხელით გეჭიროთ.
- დარჩით ასე 5 წუთის განმავლობაში და შემდეგ შეცვალეთ გვერდი.
4. დამდნარი გული
ეს ვარჯიში ხსნის გულ-მკერდის მიდამოს და აცოცხლებს მას, საბოლოოდ კი მთელ სხეულს ეხმარება მოდუნებაში.
- დადექით ოთხზე. თუ მუხლებში ტკივილს იგრძნობთ, დაიფინეთ ძირს რაიმე ნაჭერი.
- გასწიეთ ხელები წინ. თეძოები მუხლებზე მაღლა უნდა იყოს.
- მკერდი ნელა დასწიეთ იატაკისკენ.
- დარჩით ამ პოზაში 5 წუთით.
5. წინ გადახრა
ეს გაახურებს ბარძაყის უკანა ნაწილებს და დააწყნარებს თქვენ გონებას. ის ასევე აძლიერებს თეძოებს და მუხლებს.
- დადექით სწორად, ფეხები მხრების სიგანეზე დადეთ და ხელები თეძოებზე დაიწყვეთ.
- ჩაისუნთქეთ. ამოსუნთქვის დროს გადაიხარეთ წინ, გაჭიმული ფეხებისკენ.
- მოხარეთ მუხლები, თავი მძიმედ ჩამოკიდეთ. იდაყვებში მოხრილი მხრები ქვემოთ დაკიდეთ. თუ დისკომფორტს არ იგრძნობთ, ხელები მენჯებთან ახლოს მიიტანეთ.
- ნელა და მსუბუქად ასწიეთ სხეული მაღლა. უნდა იგრძნოთ მოდუნება და მუხლქვეშა მყესში.
- დარჩით ამ პოზაში 30 წამიდან 1 წუთის განმავლობაში.
- მოხარეთ მსუბუქად მუხლები, ხელები გეწყოთ თეძოებზე. ჩაისუნთქეთ და ამოისუნთქეთ ადგომისას.
6. ბედნიერი ჩვილი
ჩვილის პოზა ჭიმავს საზარდულს და ზურგს და ადუნებს გონებას. აგრეთვე ტონუსში მოჰყავს ზურგი და ამაგრებს ზურგსა და მხრებს.
- დაწექით ზურგზე.
- მოკეცეთ მუხლები და მიიტანეთ ისინი იღლიებთან.
- მოჰკიდეთ ხელები ფეხებს, გარეთა მხრიდან.
- წვივები პერპენდიკულარული უნდა იყოს იატაკთან. დარწმუნდით, რომ კუდუსუნი იატაკს ეხება.
- დარჩით ამ პოზაში 45-60 წამი.
- მოდუნდით და გაიმეორეთ 3-5ჯერ.
7. თავმდაბალი მებრძოლი
ეს პოზა აძლიერებს ფეხებს და ასტიმულირებს საჭმლის მომნელებელ სისტემას.
- დაეყრდენით მარჯვენა ფეხს, რომელსაც მოხრილ მდგომარეობაში მოათავსებთ სხეულის წინ.
- მარცხენა ფეხი გასწიეთ უკან და გაჭიმეთ.
- ხელები ასწიეთ ზურგს ზემოთ. ჩაისუნთქეთ. ამოსუნთქვისას, ნელა გადაიხარეთ წინ. მარჯვენა მხარი უნდა ეყრდნობოდეს მარჯვენა ფეხს.
- მოდუნდით და დარჩით ამ პოზაში რამდენ ხანსაც შეძლებთ.
8. ქალღმერთის პოზა
ეს პოზა ადუნებს სხეულის ქვედა ნაწილებს, ზრდის ცირკულაციას და ასვენებს გონებას.
- დადექით და ფეხები დააშორეთ ერთმანეთს. შექმენით მოხრილი ფეხებით 45 გრადუსიანი კუთხე.
- მოხარეთ მუხლები და ჩაზნიქეთ თეძოები ქვემოთ.
- გაჭიმეთ მხრები და გაააქტიურეთ ზურგის კუნთები.
- მაქსიმალურად დაჭიმეთ ზურგი.
- გაჩერდით ასე 30 წამიდან 1 წუთამდე.
რამდენად ხშირად ვარჯიშობთ იოგას? რა გეხმარებათ სტრესის დაძლევაში? გთხოვთ, გაგვიზიარეთ კომენტარებში თქვენი გამოცდილება! სტატია კი თქვენს მეგობრებსაც აჩვენეთ!