პაპანაქება ზაფხულის დღეებში წყურვილის შეგრძნება მკვეთრად მატულობს. გაზირებული წყალი წყურვილს არ კლავს, თუმცა გამოსავალი არსებობს. ჩვენ დღეს მოგიყვებით, როგორ მოამზადოთ გამაგრილებელი სასმელი კეფირისგან, რომელიც ამავე დროს ძალიან სასარგებლოც იქნება.
კეფირის სასმელი ცნობილია თავისი უნიკალური თვისებით, მასში არის ბევრი კალციუმი და უჯრედისი და, შესაბამისად, ის დადებით გავლენას ახდენს არამხოლოდ თვითშეგრძნებაზე, არამედ წონის მაჩვენებელზეც. ძალიან მარტივი მოსამზადებელია, მთავარია ყურადღებით გაეცნოთ ჩვენს რეცეპტს.
საზაფხულო სასმელი კეფირით
ინგრედიენტები
- ერთი ლ 2,5%იანი ცხიმიანობის კეფირი
- ერთი ლ წყალი
- ერთი კიტრი
- 3 ტოტი კამა
- მარილი გემოვნების მიხედვით
მომზადება
1. მოამზადეთ მწვანილი: გარეცხეთ კიტრი და კამა, მოაჭერით კამას მსხვილი ღეროები.
2. კეფირი ჩაასხით დიდ წყლის ჭურჭელში, დაასხით ზემოდან წყალი.
3. კიტრი გაჭერით რამდენიმე ნაწილად, უმჯობესია რგოლებად. დაჭერით მწვანილიც.
4. დააქუცმაცეთ მთელი მასა ბლენდერში.
5. კიტრის მასა ჩაასხით კეფირიან ჭურჭელში. დაამატეთ მარილი და აურიეთ.
6. სასმელი შეგიძლიათ ცოტა გააციოთ. შედგით ის მაცივარში მინიმუმ ერთი საათის განმავლობაში, რაც უფრო ცხელი დღე იქნება, მით უფრო დიდხანს დააყოვნეთ დაბალ ტემპერატურაზე. შემდეგ კი გემრიელად მიირთვით!
როგორც ხედავთ, საკმაოდ მარტივი რეცეპტია. საჭიროების მიხედვით, ინგრედიენტების რაოდენობა შეგიძლიათ შეამციროთ ან გააორმაგოთ. სიცხეში ალბათ უფრო მეტი დაგჭირდებათ.
სიცხეში შეგიძლიათ ასევე მიირთვათ აკროშკა – შესანიშნავი ცივი სუპი, რომელიც არასდროს არ დაგიმძიმებთ კუჭს. ცივი წვნიანი ძალიან მარტივად მზადდება, სულ მალე ჩვენ მის რეცეპტსაც შემოგთავაზებთ!
იმედი გვაქვს, ეს სასმელი ოდნავ მაინც შეგიმსუბუქებთ ზაფხულის ცხელ დღეებს! აუცილებლად გაუზიარეთ ჩვენი გრილი სასმელის რეცეპტი თქვენს მეგობრებსაც!