მთავარი ჯანმრთელობა პედიატრი განმარტავს, რატომ და როდიდან უნდა მისცეთ თქვენს პატარას თევზი

პედიატრი განმარტავს, რატომ და როდიდან უნდა მისცეთ თქვენს პატარას თევზი

by guramus

პედიატრი თამარ ობგაიძე:

“ყველაფერი გასულ საუკუნეში დაიწყო, როცა დანიელმა მეცნიერმა დაიერბერგმა ესკიმოსებზე დაკვირვებისას აღმოჩინა – ისინი იშვიათად ავადობდნენ გულ-სისხლძრღვთა სისტემის დაავადებებით.

ბევრი კვლევა-ძიების შემდეგ მან ეს ფაქტი ესკიმოსების კვების ტიპს დაუკავშირა – ისინი ძირითადად ცივი ზღვების ბინადარი ცხიმიანი თევზითა და სელაპის ხორცით იკვებებოდნენ.

მაშ, რა არის თევზში ისეთი, რაც მას ბავშვისათვის განსაკუთრებულ პროდუქტად აქცევს?

პირველ რიგში, ეს სრულფასოვანი ცილების წყაროა. და თანაც თევზის ცილა ყველა სხვა ცილაზე გაცილებით უფრო ადვილად ითვისება.

თევზი შეიცავს ომეგა-3 ცხიმოვან მჟავებს, რომლებიც თავის ტვინის არქიტექტორებად იწოდებიან იმის გამო, რომ ბავშვის ტვინის განვითარებაში მონაწილეობენ.

ეს ნივთიერებებია საჭირო თვალის განვითარებისთვისაც.

მნიშვნელოვანია თევზის ვიტამინურ-მინერალური შემადგენლობაც.

ის ცხიმში ხსნადი ყველა ვიტამინის წყაროა – შეიცავს A, D, K, E ვიტამინებს.

სწორედ თევზია ის პროდუქტი, რომელიც ყველაზე დიდი დოზით შეიცავს D ვიტამინს. ნივთიერებას, რომელიც პრქტიკულად ჰორმონია და ყველა ორგანოს ფუნქციაზე ახდენს გავლენას.

თევზის მინერალური შემადგენლობა კალიუმის, ფოსფორის, რკინის მაღალი შემცველობითაა ცნობილი.

თევზის მიცემა 8 თვიდან შეგიძლიათ.

რა საფრთხეებს მალავს თევზი

საფრთხე #1 – წვრილი ძვლები – მომზადებამდე თევზი კარგად უნდა გაწმინდოთ ფხებისაგან.

საფრთხე#2 – ინფექცია – ბავშვს არ უნდა მისცეთ უმი თევზი (სუშის ტიპის საკვები), რამაც , თუ თევზი ბაქტერიულად დაბინძურებულია, შესაძლოა მისი ინფიცირება გამოიწვიოს.

საფრთხე#3 – ვერცხლისწყალი – ცნობილია, რომ ზღვებისა და ოკეანის წყლები ბევრი პოლუტანტით ბინძურდება, რომელთა შორის ყველაზე დიდი საფრთხე ვერცხლისწყალია, რომელიც თევზის და შემდეგ ადამიანის ორგანიზმში ხვდება. ‼️ამიტომ, სადაც ეს შესაძლებელია, იკითხეთ თევზის წარმომვლობა. ამ მხრივ მტკნარი ხელოვნური წყალსაცვების თევზი, რთქმუნდა, საიმედოა, მაგრამ აქ სხვა პრობლემამ შეიძლება იჩინოს თავი, თუ მწარმოებელი პატიოსანი არ არის – თევზის უხარისხო საკვები, ანტიბიოტიკები.

შემადგენლობის მიხედვით, განსაკუთრებით სასარგებლო ცივი ზღვებისა და ოკეანეების ცხიმიანი თევზია. მათი ხორცი გაცილებით მეტ ომეგა-3 ცხიმოვან მჟავებს შეიცავს.

კომენტარებში მივუთითებ თევზისა ბოსტნეულის გემრიელი მიქსის ერთ-ერთი რეცეპტის ლინკს.

ჯანმრთელობას გისურვებთ!”

თამარ ობგაიძის ოფიციალური გვერდი

თუ სტატიაში განხილული თემა შენთვის საინტერესოა, მაშინ შემოგვიერთდი FACEBOOK გვერდზე: