თუ ხშირად გტკივათ თავი, გაქვთ ენერგიის ნაკლებობა და გაწუხებთ ინსომნია, სცადეთ ამ პროდუქტების მიღება

by Keti

ბევრი ჩვენგანი ფიქრობს, რომ ეს სიმპტომები ბევრი მუშაობის შედეგია. თუმცა მათ იწვევს სხეულში მაგნიუმისა და K ვიტამინის დეფიციტი.

ჩვენ დღეს გეტყვით, თუ რატომ არის ეს ორი ელემენტი მნიშვნელოვანი!

მაგნიუმი

სარგებლიანობა

  • მაგნიუმი ჩართულია სხეულის 300 სხვადასხვა ქიმიურ რეაქციაში. ის საკვებს გარდაქმნის ენერგიად და ამინომჟავებისგან ქმნის ახალ ცილებს. შედეგად ამცირებს შფოთვას, სტრესს და დაღლილობის განცდას.
  • მაგნიუმი ახდენს თავის ტკივილს პრევენციას და ასევე დიდ როლს ასრულებს შაკიკის მკურნალობაში. მისი ნაკლებობა ამცირებს სეროტონინის დონეს, იწვევს სისხლძარღვების შეკუმშვას და მოქმედებს ნეიროტრანსმიტერერების ფუნქციონირებაზე.
  • მაგნიუმის დეფიციტი იწვევს დეპრესიასა და ინსომნიას.

წყაროები

რეკომენდებული დღიური ნორმა არის 400 მგ 19-30 წლის კაცებში, 30 წლის ზემოთ კი – 420 მგ. ხოლო 19-30 წლის ქალები რეკომენდებულია დღეში 310 მგ, 30 წლის ზემოთ – 320 მგ.

მაგნიუმის მიღების წყარო საკვებში:

  • ისპანახი
  • თხილი
  • ყავისფერი ბრინჯი
  • მსხვილად დაღერღილი პური
  • თევზი
  • ხორცი
  • ავოკადო

K ვიტამინი

სარგებლიანობა

  • K ვიტამინი ახდენს პროტეინის სინთეზირებას, რაც აუცილებელია სისხლის შედედებისთვის. ვიტამინის ნაკლებობა იწვევს ინტენსიურ სისხლდენას.
  • ჯერჯერობით ბოლომდე დადასტურებული არ არის, თუმცა არსებობს ვარაუდი, რომ K ვიტამინი ამცირებს ალცჰეიმერისა და პროსტატის კიბოს განვითარების რისს.
  • ის კარგად ,,თანამშრომლობს” D ვიტამინთან და ეხმარება მას კალციუმის ძვლებამდე მიტანაში.

წყაროები

K ვიტამინის ნორმა ასაკზე, წონასა და სქესზეა დამოკიდებული. თუმცა მოზრდილებში დღიურ დოზად მიჩნეულია 0.001 მგ სხეულის წონის 1 კილოზე.

K ვიტამინს შეიცავს:

  • მწვანილები: ბაზილიკი, სალბი, ბეგქონდარა, ოხრახუში, ქინძი, მაიორანი…
  • მწვანე ბოსტნეული: ყვავილოვანი კომბოსტო, ბროკოლი, ისპანახი, მდოგვის ფოთლები, ჭარხლის ფოთლები, თალგამი…
  • ცხარე სანელებლები: პილპილი, პაპრიკა, ჩილი, კარი…
  • სხვა პროდუქტები: სატაცური, ცერეცო, პრასი, ბამი, მწნილეული, სოიო, ზეითუნის ზეთი და ჩირი.

თუ გრძნობთ, რომ ამ ელემენტების მკვეთრ დანაკლისს განიცდით, გაიარეთ კონსულტაცია ექიმთან.

გაუზიარეთ სტატია თქვენს მეგობრებსაც!

ასევე დაგაინტერესებთ