როდესაც ვუყურებ ისტორიულ ფილმებს, ყოველთვის ვაქცევ ყურადღებას ჰეროინების მიმზიდველ გრძელ თმას. მდიდრული თმა ყოველთვის ითვლებოდა ქალურობის სიმბოლოდ. და თითქოს რაც უფრო გრძელია თმა, მით უფრო მიმზიდველია გოგონა. ახლა დრო შეიცვალა და თავდაჯერებული ქალები ირჩევენ თმის მოკლედ შეჭრას სტილის გარეშე. ეს განსაკუთრებით ეხებათ 40 წელს გადაცილებულებს.
ეს ტენდენცია დიდი ხანია შევამჩნიე: რაც უფრო ასაკოვანია ქალი, მით უფრო მოკლეა მისი ვარცხნილობა. ამის მიზეზი შეიძლება ბევრი იყოს. ვიღაც უბრალოდ ცდილობს შეიცვალოს სტილი, მაგრამ ვიღაცისთვის ეს არის ფულის დაზოგვის და თავის მოვლის გამარტივების საშუალება. ნებისმიერ შემთხვევაში, მნიშვნელოვანია არა მხოლოდ თმის გრძელი ღერების მოშორება, არამედ საკუთარი თავისთვის საუკეთესო ვიზუალის შერჩევა. თუ ჯერ არ გადაგიწყვეტიათ ვარცხნილობა, აქ არის 4 საუკეთესო არჩევანი მოკლე თმის შეჭრისთვის.
გამორჩეული მოკლე ვარცხნილობები
ღია ფერის ბობ-კარე
ერთ -ერთი ყველაზე მრავალმხრივი ვარცხნილობა. ბობ-კარე არის ძალიან შთამბეჭდავი და მოცულობითი. გამოცდილი სტილისტი შეძლებს, რომ თმის ვარცხნილობა კარგად მოარგოს თქვენი სახის ფორმას. ბობ-კარე შეძლებს ხაზი გაუსვამს თქვენს ინდივიდუალურობას და იქნება წარმატებული ქალის იმიჯის ნაწილი.
თმის ასე შეჭრა საშუალებას იძლევა, რომ სქელი თმა ოდნავ გათხელდეს. მაგრამ თხელი ღერები კი, პირიქით, ვიზუალურად უფრო მოცულობითი ხდება (მრავალ ფენიანი ბობ-კარეს შემთხვევაში). ერთადერთი, ვისაც გარკვეული ძალისხმევის გაღება მოუწევს, არიან ხვეული თმის მფლობელები.
ასიმეტრიული მოკლე ვარცხნილობა
ჩვენს სახეს ბუნებრივად აქვს ეგრეთ წოდებული “სამუშაო მხარე”, ანუ როგორც ვამბობთ ხოლმე – უკეთესი პროფილი. თმის სწორად შეჭრას კი შეუძლია დაფაროს სახის ზოგიერთი ხარვეზი და გამოაჩინოს მხოლოდ ის, რაც ჩვენ გვსურს სხვების თვალში ჩანდეს. ასეთი მანიპულაციებისთვის, ასიმეტრიის მქონე თმის შეჭრა იდეალურია.
გრძელი ,,ჩოლკა”, აპარსული გვერდი ან სხვა თამამი გადაწყვეტილებები – ყველაფერი შემოიფარგლება მხოლოდ თქვენი ფანტაზიითა და სურვილებით. ასეთი სტილი არ საჭიროებს ფორმის მუდმივად შესწორებას, უბრალოდ დაივარცხნეთ თმა და ოდნავ აიჩეჩეთ. და საქმიანი და რომანტიული შეხვედრებისთვის გირჩევთ გამოიყენოთ ლოსიონი.
მოკლე პიქსი
ბევრს შეიძლება თმის ეს სტილი ძალიან მოკლედ მოეჩვენოს. მაგრამ ეს ერთ-ერთი ყველაზე პოპულარული სტილია ქალებში 50 წლის ზემოთ. იდეალურია მათთვის, ვისაც აქვს სწორი და გრძელი სახე.
ეს ვარცხნილობა ელეგანტურობას მატებს ქალს, ახალისებს და აახალგაზრდავებს. თან ეს სტილი ყველასთვის მიმზიდველია – მამაკაცებისთვისაც და სხვა ქალებისთვისაც. თან გამორჩეული ხდებით, თან ტრენდული.
,,მრგვალი გვერდები”
თუ არ ხართ მზად, რომ თქვენი თმა ძალიან მოკლედ შეიჭრათ ან არასიმეტრიული ვარცხნილობა ატაროთ, მაშინ მოგეწონებათ გვერდებზე მომრგვალებული სტილით შეჭრა. ამ ვარცხნილობას აქვს სწორი მომრგვალებული ფორმა და თმა ჩანს, როგორც ლამაზი სქელი ფენა. ვარცხნილობა საერთოდ არ საჭიროებს სტილს. მთავარია თმა გაშრეს სწორი მიმართულებით. და ფორმა შენარჩუნდება შემდეგ დაბანამდე.
იმისათვის, რომ არ დაკარგოთ დიდი დრო სტილის შერჩევაზე, თქვენ უნდა ისწავლოთ ორი მარტივი წესი. პირველ რიგში, თქვენ არ უნდა წახვიდეთ ბუნების წინააღმდეგ. შეაჩერეთ ხვეული თმის გასწორება და სწორი თმის დახვევა. ეს მხოლოდ დააზარალებს თმის ხარისხს. და მეორეც, აკონტროლეთ თქვენი თმის ჯანმრთელობა. შემდეგ ისინი მშვენივრად გექნებათ ნებისმიერი ვარცხნილობის სტილზე – არ აქვს მნიშვნელობა მოკლედ შეიჭრით თუ გრძელი კულულების დატოვებას გადაწყვეტთ.
თქვენ რა სტილს ატარებთ? გაგვიზიარეთ კომენტარებში!