მომღიმარ ქალზე კარგი სანახავი ამქვეყნად ალბათ არც ისე ბევრი რამაა. მამაკაცებს მოსწონთ ბედნიერი ქალის ყურება. თუმცა, მათ ნამდვილად არ იციან, როგორ ამოიცნონ სიცილით ქალების ხასიათი.
თუ ფსიქოლოგებს დავუჯერებთ, დასკვნა შემდეგია:
ქალი, რომელიც ხმადაბლა იცინის: თავდაჯერებულია, გაწონასწორებული და რთულად მოსახიბლი. მასზე შთაბეჭდილება რომ მოახდინოთ, ბევრი უნდა შეძლოთ. სამაგიეროდ, თუ მიზანს მიაღწევთ, ის თქვენთვის ნამდვილი საჩუქარი იქნება.
ქალი, რომელიც იცინის მთელი ემოციით: ქარაფშუტაა და ბავშვობის ასაკში ჩარჩენილი. ის იმ ქალების კატეგორიის წარმომადგენელია, რომელიც მცირე ასაკში, ეზოში თამაშისას, ბევრს ოცნებობდა პრინცზე, მაგრამ საბოლოო ჯამში, ოცნება ვერ აიხდინა.
ქალი, რომელიც თავშეკავებით იცინის: ბუნებით მშვიდი და საყვარელია. უნდა გჯეროდეთ, რომ მასზე თბილ არსებას ვეღარსად ნახავთ. მას განსაკუთრებული სიფრთხილით უნდა შეურჩიოთ სიტყვები, საქციელი და შეთავაზებები.
ქალი, რომელიც იცინის თავშეკავებით, მაგრამ ცდილობს ბუნებრივი ჩანდეს: ცხოვრებაშიც თავშეკავებულია. უნდა დარწმუნდეს რა სჭირდება თავად და რას მისცემს მამაკაცი, თუ მის გვერდით აღმოჩნდება.
ქალი, რომელიც მაღალ ხმაზე იცინის: უკომპლექსოა. შეგიძლიათ მის გვერდზე დაცულად თქვენ იგრძნოთ თავი და არა, მან – თქვენთან. ასეთმა ქალებმა იციან როგორ იცხოვრონ, დაძლიონ პრობლემები და შექმნან თბილი კერა.
ქალი, რომელიც სიცილის დროს ცხვირს ჭმუხნის: ბავშვური გულუბრყვილობით გამოირჩევა. უყვარს ყურადღების ცენტრში ყოფნა, ტკბილეული და საჩუქრები.