მცოდნენი ამტკიცებენ, რომ ადამიანის ხასიათი იმდენად სახელზე, მამის სახელსა და გვარზე არ არის დამოკიდებული, რამდენადაც წელიწადის იმ დროზე, რომელშიც დაიბადა.
გაზაფხულზე დაბადებულები მეტისმეტად მერყწვნი არიან, ბევრი რამ სწყინთ, ნიჭიერები უთუოდ არიან, მაგრამ მერყეობა ხელს უშლის წინსვლაში; ძალიან უყვართ, როცა ეპირფერებიან.
ზაფხულის თვეებში დაბადებულები, როგორც წესი, კეთილი, სულგრძელი ადამიანები არიან; არ ახასიათებთ აგრესიულობა, ხშირად მზად არიან დახმარები ხელი გაუწოდონ ყველას, ვინც დახმარებას საჭიროებს. მათი სიკეთე მარტო ადამიანებზე კი არა, მთელ სამყაროზე ვრცელდება.
პოეტურმა შემოდგომამ წელიწადის ამ დროს დაბადებულებს ამაღლებული გრძნობები, პოეტურობა, გამჭრიახობა დაანათლა. მათ არ უყვართ კონფლიქტები და ურთიერთობების გამორკვევა.
ზამთარში დაბადებულები წინააღმდეგობრივი, რთული ბუნების ადამიანები არიან. მიზანდასახულობისა და ნებისყოფის წყალობით ცხოვრებაში მიზანს აღწევენ. პირად ცხოვრებაში ხშირად აქვთ უსიამოვნო მომენტები, რადგან წვრილმანების გამო ჩხუბობენ.
