არ არსებობს ადამიანი, ვისთვისაც ოჯახი ძვირფასი არ არის. თუმცა, ხშირად ისეთი ადამიანებიც გვხვდებიან, რომელთათვისაც კარიერული წინსვლა და საყვარელი საქმე უფრო მნიშვნელოვანია.
ამჯერად იმ 3 ზოდიაქოს ნიშანზე ვისაუბროთ, რომელთათვისაც ოჯახი და ჰარმონია უმნიშვნელოვანესია.
კურო: კურო ვერ იტანს ცვლილებებს. მისთვის მთავარი ძველის შენარჩუნებაა. აქვს პრინციპი, რომ სიახლე ყოველთვის კარგი არ არის. შესაბამისად, სურვილი, რომ რაღაც შეცვალოს, მისთვის თითქმის არ არსებობს.
ეს პრინციპი ეხება მის სახლსაც. ადგილსამყოფელს, სადაც თავისი დღეების უდიდეს ნაწილს ატარებს. კუროებს უყვართ მიზნების ნაბიჯ-ნაბიჯ მიღწევა, ამიტომაც, ნელი ტემპით ცდილობენ საკუთარი სახლის მოწესრიგებას, გემოვნებით მოწყობას. მათთვის ოჯახი უპირველესია.
კირჩხიბი: კირჩხიბები მთელი ცხოვრების მანძილზე მყუდრო სახლზე ოცნებობენ და აკეთებენ ყველაფერს, იდეალური კერა რომ შექმნან. კირჩხიბი წყლის ნიშანია, მისთვის იდეალური საცხოვრებელი ადგილი ზღვაა ან მიმდებარე ტერიტორია.
თუმცა, ოჯახთან ერთად თავს ნებისმიერ ადგილას განსაკუთრებულად გრძნობენ. ამ ნიშნის ქვეშ დაბადებული ადამიანები არჩევანის წინაშე თუ დადგებიან, საოჯახო საქმეებს არჩევენ, რადგანაც, ბუნებით მზრუნველნი არიან.
თხის რქა: თხის რქები განსაკუთრებულ პატივს სცემენ წინაპრებს. მათ უყვართ ტრადიციების დაცვა და გადმონაშთების დატოვება.
უარს არ იტყვიან ფეშენებელურ აპარტამენტებზე, მაგრამ თავს ბევრად მყუდროდ მშობლების დანატოვარ სახლში გრძნობენ. ისინი ხელს შეავლებენ, შელამაზებენ და საკუთარ გემოზე მოიწყობენ ნაჩუქარ ბინას.