ეძებთ ბლინებისთვის იდეალურ რეცეპტს? გილოცავთ, ის თქვენ წინაა. ჩვენ გასწავლით როგორ მოამზადოთ ბლინი მაიონეზით, ის არასოდეს იხევა, გამოდის უფრო ნაზი, ვიდრე რძეზე დამზადებული.
მაიონეზიანი ბლინები
ასეთი ბლინები შეგიძლიათ მიირთვათ ჯემთან, მურაბასთან, თაფლთან ერთად. თუ შაქარი არ გიყვართ, მასში შეახვიეთ ხორცი, ხაჭო, სოკო.
ინგრედიენტები
ნახევარი ლიტრი თბილი წყალი
ცხრა სუფრის კოვზი ფქვილი
ორი სუფრის კოვზი მაიონეზი
ორი კვერცხი
ორი სუფრის კოვზი შაქარი
15 გრამი ვანილის შაქარი
ორი სუფრის კოვზი ზეთი
მწიკვი მარილი
მომზადება
1. ათქვიფეთ მიქსერით ან სათქვეფით მაიონეზი, კვერცხი, შაქარი, მარილი და ვანილის შაქარი.
2. დაამატეთ თბილი წყალი და გაცრილი ფქვილი, კარგად აურიეთ, რათა არ წარმოიქმნას კოშტები, ჩაასხით ზეთი. დააყოვნეთ ცომი 20 წუთით.
3. წაუსვით ტაფას ზეთი, მხოლოდ ერთხელ, შეწვის დასაწყისში. დადგით საშუალო ცეცხლზე.
4. ცომის ნაწილი თანაბრად გაანაწილეთ ტაფის ზედაპირზე, შეწვით ბლინები 1-2 წუთით, ორივე მხრიდან. არ დაგეწვათ!
5. მიიტანეთ თბილი ბლინები სუფრაზე და მიირთვით, რითიც გსურთ.
მაიონეზით დამზადებული ბლინები შეუდარებელია, ისნი თქვენთვის შეუცვლელი გახდება. მხოლოდ ბლინებით ვერავის გააოცებთ, ამიტომ ჩართეთ ფანტაზია: მაგალითად სინჯეთ, გაკეთოთ ისინი შოკოლადით, დაამატეთ ცომში კაკაო, ან ზემოდან მოასხით სასურველი ტკბილეული.
თუ რეცეპტი მოგეწონათ, გაუზიარეთ ის სხვებსაც!