საქართველოსთან ახლოს 5,1 მაგნიტუდის მიწისძვრა მოხდა – გაიგე დეტალურად სად

აზერბაიჯანში 5,1 მაგნიტუდის მიწისძვრა მოხდა. ამის შესახებ ინფორმაციას ადგილობრივი მედია ავრცელებს.

როგორც report.az ქვეყნის სეისმოლოგიური სამსახურის მონაცემებზე დაყრდნობით წერს, მიწისძვრა მილ-მუღანის ეკონომიკური რეგიონში მოხდა.

ცენტრის მონაცემებით, მიწისძვრა ბაქოს დროით, 22:05 საათზე დაფიქსირდა.

ნგრევის შესახებ ინფორმაცია არ ვრცელდება.

ასევე წაიკითხეთ საინტერესო რჩევები მიწისძვრის დროს, რაც ყველამ უნდა ვიცოდეთ :

თუ შენობაში ხართ

 დარჩით ადგილზე! შეძვერით მაგიდის ან სხვა ავეჯის ქვეშ და ხელები ქვემოდან მიაბჯინეთ. მოშორდით ფანჯრებს, ბუხრებს, მძიმე ავეჯსა და ხელსაწყოებს;

 თავი შორს დაიჭირეთ ისეთი ნივთებისგან, რომლები შესაძლოა, ჩამოვარდეს, მაგალითად ჭაღი, კედლის კარადები და ა. შ.

 სასწრაფოდ დატოვეთ სამზარეულო, რადგან შეიძლება, კედლიდან ავეჯი ჩამოცვივდეს;

 არ გაიქცეთ კიბეებისკენ ან არ გავარდეთ გარეთ, სანამ ბიძგები არ შეჩერდება. როგორც კვლევებმა აჩვენა, ადამიანების დიდი ნაწილი დაზიანებებს ძირითადად შენობების დატოვების დროს იღებს;

 არ გამოიყენოთ ლიფტი.

თუ ქუჩაში ხართ

 თუ ქუჩაში ხართ, ეცადეთ მოშორდეთ შენობებს, შუქნიშნებს, ელექტროგადამცემ კაბელებს და გადით შედარებით ღია, ცარიელ სივრცეში.

თუ საჭესთან ხართ

 თუ საჭესთან ხართ, შეჩერდით, მაგრამ ფრთხილად. შეეცადეთ, თქვენი მანქანა მოძრაობის ზონიდან რაც შეიძლება შორს გაიყვანოთ;

 არ გაჩერდეთ ხიდზე ან მის ქვეშ, ესტაკადების, შუქნიშნების, ხეების, განათების ბოძებისა თუ საგზაო ნიშნების ქვეშ;

 დარჩით მანქანაში ბიძგების შეწყვეტამდე;

 მოძრაობის გაგრძელებამდე გაეცანით ახალ ამბებს, რათა შეიტყოთ, რაიმე დაზიანება ხომ არ მოხდა გზის იმ მონაკვეთზე, საით წასვლასაც აპირებთ.

თუ ნანგრევებში მოჰყევით

 არ აანთოთ ასანთი (შეიძლება დაზიანებული იყოს მილი და ჟონავდეს ბუნებრივი აირი);

 არ იმოძრაოთ ან არ სცადოთ მტვრის მოშორება;

 პირზე აიფარეთ ტანსაცმელი (რათა მტვერი და ნგრევის შედეგად გაფრქვეული მძიმე მეტალები არ მოხვდეს თქვენ სასუნთქ გზებში);

 შეეხეთ მილს ან კედელს, რათა მაშველებმა ადვილად მოგაგნონ. იყვირეთ, მაგრამ გახსოვდეთ, რომ ამ დროს შესაძლოა მავნე მტვერი გადაგეყლაპოთ.