თქვენ შეიძლება არც კი ეჭვობდეთ, რომ თქვენს ორგანიზმში იმალება ჰელიკობაქტერია, რომელიც აინფიცირებს კუჭისა და თორმეტგოჯა ნაწლავის სხვადასხვა უბანს.
ეს განსაკუთრებული ბაქტერიაა, რომელიც ორგანიზმში მოხვედრის შემდეგ მაშინვე არ ვლინდება. ის გადაეცემა დაუმანელი ხელებითა და საკვების საშუალებით. დაგვიანებულმა მკურნალობამ შესაძლოა გამოიწვიოს პეპტიური წყლული და კუჭის სიმსივნეც კი.
მუცლის შებერვა მოზრდილებში
როგორ შევიტყოთ ამ ცბიერი ბაქტერიის შესახებ? შესაძლოა ადგილი ჰქონდეს ასეთ სიმპტომებს: მუცლის შებერვა, გულძმარვა, დიარეა, მეტეორიზმი და დისკომფორტი კუჭში. როგორც წესი, ამას ნორმალურ მოვლენებად აღვიქვამთ.
ბაქტერიების განვითარებამ შეიძლება დააქვეითოს ტვინში სეროტონინის დონე, ეს კი იწვევს დეპრესიასა და ნევროზს. მუცლის შებერილობა უფროსებში გაცილებით გავრცელებულია, ვიდრე თქვენ გგონიათ. საბედნიეროდ, იგი განკურნებადია. მკურნალობა მოიცავს ანტიბიოტიკებს და კუჭის წვენის სეკრეციის შემამცირებელ პრეპარატებს.
კვების დამზოგავი რეჟიმი და A, C, E ვიტამინების მიღება თუთიასთან ერთად – მნიშვნელოვანი ზომებია, რომლებიც კუჭს დატვირთვისგან იცავს. ასევე სასურველია მიიღოთ პრობიოტიკები, რომლებიც შეიცავს ლაქტო და ბიფიდო ბაქტერიებს. დაბოლოს, არ უნდა დაივიწყოთ ჰიგიენის შესახებ: გულმოდგინედ დაიბანეთ ხელები ქუჩიდან შემოსვლის შემდეგ და ჭამის წინ. სასმელი წყალი სჯობს იყიდოთ ან გაფილტროთ სახლის პირობებში.
მუცლის შებერვის საწინააღმდეგო სასმელი
ინგრედიენტები
ერთი ლიმონი
ერთი კიტრი
ერთი სუფრის კოვზი ალოეს წვენი
ერთი კონა ქინძი ან ოხრახუში
ნახევარი ჭიქა წყალი