არსებობს ფილმები, რომლებიც ოპერატორის ნამუშევრის ან კომპიუტერული გრაფიკის გამო მოგვწონს. მაგრამ არსებობს ისეთებიც, რომლებიც დაგვაფიქრებს და დაგვეხმარება გამოვიკვლიოთ ადამიანის ბუნება და ფსიქიკა. შევისწავლოთ საკუთარი თავი და ქმედებები.
ამ სიაში ყველაზე საინტერესო ფილმებს მიაგნებთ, რომლებიც ადამიანის ფსიქოლოგიაში გაგარკვევენ.
26პროფესორი და შეშლილი (The Professor and the Madman)
- ქვეყანა: ირლანდია
- რეჟისორი: ფარჰად საფინია
- მთავარ როლებში: მელ გიბსონი, შონ პენი
ფილმი ინგლისურ გარემოშია გადაღებული და მეცხრამეტე საუკუნეზე მოგვითხრობს. ოქსფორდის პროფესორი ჯეიმს მიურეი ინგლისური ენის პირველ ლექსიკონს წერს. მის დასახმარებლად ყველაზე მოულოდნელი ასისტენტი მოდის – მენტალური ინსტიტუტის პაციენტი, რომელიც მკვლელობაშია დადანაშაულებული. მთავარ როლებს შონ პენი, მელ გიბსონი და ნატალი დორმერი ასრულებენ.
25სასტუმრო მუმბაი (Hotel Mumbai)
- ქვეყანა: ავსტრალია
- რეჟისორი: ენტონი მარასი
- მთავარ როლებში: ერმი ჰამერი, დევ პატელი
ეს ფილმი რეალურ ისტორიაზეა დაფუძNებული. სცენარი 2008 წელს ინდოეთში მომხდარი ტერორისტული შეტევების ისტორიას ეფუძნება. მთელი ქალაქის ტერიტორიაზე ტერორისტები არიან განლაგებული და მატარებლის სადგურში სროლას და კაფეში აფეთქებას აწყობენ. მათ სურთ ხალხში პანიკა გამოიწვიონ, თუმცა ტერორისტების სამიზნე ყველაზე ძვირადღირებული და ერთი შეხედვით უსაფრთხო სასტუმრო ტაჯმაჰალია. დოკუმენტური კადრები ფილმს უფრო ისტორიულად ზუსტს ხდის.
24შუშა (Glass)
- ქვეყანა: აშშ
- რეჟისორი: მ. ნაით შიამალანი
- მთავარ როლებში: ბრიუს უილისი, სემუელ ლ. ჯექსონი, ჯეიმს მაკევოი
ამჯერად ჯეიმს მაკავოის, სემუელ ელ ჯექსონისა და ბრიუს უილისის პერსონაჟები ერთად არიან ფსიქიატრიულ კლინიკაში. როდესაც ადამიანი პიროვნული გაორების სინდრომით, თითქმის უძლეველი სუპერგმირი და ბოროტი გენიოსი ყველაზე სუსტი ძვლებით ერთ დახურულ სივრცეში იმყოფებიან, იქ ყველაფერი საკმაოდ შორს დგას მოწყენილობისგან. ნიჭერი რეჟისორისა და საინტერესო ფერების წყალობით, ეს ფილმი მართლაც შთამბეჭდავია.
23დამნაშავე (The Guilty)
- ქვეყანა: აშშ
- რეჟისორი: გუსტავ მოლერი
- მთავარ როლებში: ლაურა ბრო, მორტენ სუურბელი
პოლიციელი ჰოლმი სამასხურიდან დროებითაა განთავისუფლებული და სასამართლოს განაჩენს ელოდება. ამ დროის განმავლობაში მას სამაგიდო საქმე აქვს დავალებული პოლიციის ოპერატორების ოფისში. ამჯერად იგი ცდილობს დაეხმაროს ქალს, რომელიც მისი ყოფილი ქმრის მიერაა გატაცებული. მათ ფრთხილად უნდა ისაუბრონ, რადგან გამტაცებელი ყოველთვის ახლოსაა და მან არაფერი არ უნდა შეამჩნიოს. სიტუაცია თითქმის რეალურ დროში ვითარდება: ყველაფერი ხდება ერთ ოთახში, ერთ საღამოს.
22გრეტა (Greta)
- ქვეყანა: აშშ, ირლანდია
- რეჟისორი: ნილ ჯორდანი
- მთავარ როლებში: იზაბელ ჰუბერტი, მაიკა მონრო
ფილმი კლასიკურ თრილერის ისტორიაზე დაფუძნებული: ახალგაზრდა გოგო პატარა ქალაქიდან მახეში ხვდება, რადგან ერთი შეხედვით სანდომიანი მოხუცებული ქალბატონი მას ხაფანგში იტყუებს, შემდეგ კი იგი მანიაკი აღმოჩნდება. თუმცა ამ ისტორიაში, რომელიც კლიშე სცენარის მქონედ მოგეჩვენებათ, რეალურად ისეთი ფაზლია გასახსნელი, რომლის ამოხსნაც არცისე ადვილია.
21საოცრად ავი, შოკისმომგვრელად ბოროტი და საზარელი (Extremely Wicked, Shockingly Evil and Vile)
- ქვეყანა: აშშ
- რეჟისორი: ჯო ბერლინგერი
- მთავარ როლებში: ზაკ ეფრონი, ლილი კოლინსი
ზაკ ეფრონი ჩვეულ ფორმაშია: ქალებს თავს აყვარებს და თითქმის ქმარიც კი ხდება. იგი სახლის, მანქანისა და ძაღლის მფლობელი მოქალაქეა და ამავდროულად, სერიული მკვლელიც. ეს ისტორია რეალურ პიროვნებაზეა დაფუძნებული, რომლის სახელიცაა თეოდორ ბანდი და მან დანაშაული ამერიკის სხვადასხვა შტატში მეოცე საუკუნის სამოცდაათიან წლებში ჩაიდინა. თუმცა ამჯერად მის ისტორიას მისი საყვარელი ქალის თვალებით ვხედავთ, რომელსაც სერიული მკვლელი ძალიან უყვარს.
20შავი გედი (Black Swan)
- ქვეყანა: აშშ
- რეჟისორი: დარენ არონოვსკი
- მთავარ როლებში: ნატალი პორტმანი, მილა კუნისი
ფილმის მთავარი გმირი ნინა – ბალერინაა. რომლისთვისაც ბალეტი ცხოვრებაში ყველაზე მნიშვნელოვანი რამაა. როცა ქორეოგრაფი “გედების ტბის” დადგმას დაიწყებს, მთავარი როლზე სწორედ ის მოიაზრება.
მაგრამ, უცებ ჩნდება კონკურენტი – ლილი. მიუხედავად იმისა, რომ ნინა იდეალურად უმკლავდება შავი გედის როლს, ლილი შთავად შავი გედის საუკეთესო განსხეულებაა. ორი ბალერინის დაპირისპირება გადაიზრდება ვნებიან მეგობრობაში და ნინაშიც იწყებს თავის გამოვლენას ადამიანის ბნელი მხარე.
19ჭკვიანი უილ ჰანტინგი (Good Will Hunting)
- ქვეყანა: აშშ
- რეჟისორი: გას ვან სეტი
- მთავარ როლებში: მეთ დეიმონი, რობინ უილიამსი, ბენ აფლეკი, სტელან სკარსგარდი.
უილ ჰანტინგი ნამდვილი გენიოსია, უჩვეულო გონებით. მაგრამ, ის გადაწყვეტს ტექნოლოგიურ ინსტიტუტში დამლაგებლად იმუშაოს და თავისუფალი დრო ეზოში ბავშვებთან ერთად ან ბარებში გაატაროს.
როცა ის გახალისების მიზნით რთულ მათემატიკურ დავალებას გადაჭრის, დატოვებულს დაფაზე, მის ტალანტს ინსტიტუტის პროფესორი შეამჩნევს. მეტიც, ლექტორი მას თავის მეურვეობაში ამყოფებს და საჭირო მიმართულებით სვლაში ეხმარება.
18იმედის სხივთა კრებული (Silver Linings Playbook)
- ქვეყანა: აშშ
- რეჟისორი: დევიდ ო რასელი
- მთავარ როლებში: ბრედლი კუპერი, ჯენიფერ ლოურენსი, რობერტ დე ნირო.
ფილმის სიუჟეტი ერთ ბიჭზე მოგვითხრობს, პეტ სალატანოზე, რომელიც კარგავს სამსახურს და ცოლს და გარკვეულ ხანს ფსიქიატრიულ კლინიკაში დაჰყოფს. ამ ყველაფრის მერე მშობლებთან ცხოვრებას იწყებს.
ის უცნაურად იქცევა. სურს ცხოვრება ახლიდან დაიწყოს და განაახლოს ურთერთობა ცოლთან, რომელთან მიახლოებასაც უკრძალავენ. ყველაფერი გართულდება, როცა ტიფანის შეხვდება და ის დახმარებას შესთავაზებს.
17ქეი-პაკსი (K-PAX)
- ქვეყანა: გერმანია, აშშ
- რეჟისორი: იენ სოფტლი
- მთავარ როლებში: კევინ სპეისი, ჯეფ ბრიჯისი
ფილმი გვიყვება იდუმალ მამაკაცზე, რომელიც ხალხის მასისგან მზის სათვალით და იდუმალი ღიმილით იკვეთება. ფსიქიატრიულ კლინიკაში მოხვედრისას ის ყველას არწმუნებს, რომ დედამიწაზე პლანეტა ქეი-პაკსიდან მოხვდა. ფსიქიატრი მალე შენიშნავს, რომ პაციენტის ყველა ისტორია განსაკუთრებულ ეფექტს ახდენს კლინიკის სხვა პაციენტების ფსიქიკურ ჯანმრთელობაზე.
16აბეზარი (Den brysomme mannen)
- ქვეყანა: ნორვეგია, ისლანდია
- რეჟისორი: იენს ლიენი
- მთავარ როლებში: ტრონდ ფაუსა აურვააგი, პეტრონელა ბარკერი, პერ შაანინგი.
ერთ დილით ანდრეასი უცნაურ ქალაქში აღმოჩნდება, სადაც ნამდვილი სისუფთავე და იდილია სუფევს, მაგრამ, წარმოდგენა არ აქვს სად მოხვდა. უფროსი ინსტრუქციებს აძლევს იმ საქმეზე, რაზეც არაფერი ახსოვს. დაქორწინდება და მშვიდ ცხოვრებაში გადავარდება, ისე რომ ვერც იაზრებს. ახლა ყველაფერი აქვს ბედნიერი ცხოვრებისთვის…. მაგრამ, თავს ბედნიერად ნამდვილად ვერ გრძნობს. თითქოს გარშემო ყველაფერი ხელოვნურია.
15ლარსი და ნამდვილი გოგონა (Lars and the Real Girl)
- ქვეყანა: აშშ, კანადა
- რეჟისორი: კრეიგ გილესპი
- მთავარ როლებში: რაიან გოსლინგი, ემილი მორტიმერი
ძალიან მორცხვი ბიჭი სახელად ლარსი მარტოსულ ცხოვრებას ეწევა. მისთვის რთულია მეგობრების პოვნა და საზოგადოებაში თავის დამკვიდრება. მისი და და ძმა მასზე ღელავენ, ამიტომაც როდესაც გაანცხადებს, რომ ინტერნეტში გოგონა გაიცნო, მის გამო ბედნიერები არიან. სამწუხაროდ, ბიანკა რეალურ ცხოვრებაში სულ სხვანაირია.
14უნდა ვილაპარაკოთ კევინზე (We Need to Talk About Kevin)
- ქვეყანა: ბრიტანეთი, აშშ
- რეჟისორი: ლინ რემსი
- მთავარ როლებში: ტილდა სუიტონი, ჯონ სი რაილი, ეზრა მილერი.
ევა მოგზაურობაზე წერს, მაგრამ მას უწევს შესწიროს საკუთარი თავისუფლება და ცხოვრების წესი ქმარ-შვილთან ცხოვრებას. ეს მას ძნელად გამოსდის. იბადება კევინი. დროთა განმავლობაში იგებს, რომ დედობისთვის მზად არ იყო და შვილთან კავშირს ვერ პოულობს. ბიჭუნა მალე სოციოპათად იქცევა.ევა საკუთარ თავს ადანაშაულებს, რომ საკმარისად არ უყვარდა ვაჟიშვილი.
13ამერიკელი ფსიქოპატი (American Psycho)
- ქვეყანა: აშშ, კანადა
- რეჟისორი: მერი ჰერონი
- მთავარ როლებში: კრისტიან ბეილი
1987 წელია. ნიუ-იორკში ახალგაზრდა და მიმზიდველი პატრიკი დღისით ბიზნესმენის ცხოვრებით ცხოვრობს, ღამით კი მკვლელად იქცევა. ფილმი აანალიზებს ადამიანების რეაქციებს საშინელი რამეების მიმართ. საინტერესოა როგორ ცდილობს მთავარი გმირი სასტიკი ფანტაზიები პირად ცხოვრებაში განახორციელოს.
12მალჰოლენდ დრაივი (Mulholland Drive)
- ქვეყანა: საფრანგეთი, აშშ
- რეჟისორი: დევიდ ლინჩი
- მთავარ როლებში: ნაომი უოტსი, ლაურა ჰერინგი
შავგვრემანი ქალი ავტოკატასტროფის შემდეგ მეხსიერებას კარგავს. გადაწყვეტს რიტა დაირქვას და ლოს-ანჯელესის ქუჩებში დაეხეტება. ერთ სახლთან გაიცნობს ბეტის, ბედნიერ ქერა გოგონას, რომელიც მსახიობობაზე ოცნებობს. ერთად გადაწყვეტენ ამოხსნან რიტას საიდუმლო. მაგრამ, როგორც რეჟისორს ჩვევია, ფილმის მეორე ნაწილში ყველაფერს უკუღმა დაატრიალებს და საშუალებას გვაძლევს თავად გადავწყვიტოთ რა ხდება.
11მტერი (Enemy)
- ქვეყანა: კანადა, ესპანეთი
- რეჟისორი: დენის ვილინოვი
- მთავარ როლებში: ჯეიკ ჯილენჰოლი, მელანი ლორანი.
კოლეჯის პროფესორი ერთ ვიდეო კასეტას იქირავებს და შენიშნავს მსახიობს, რომელიც ზუსტად მას ჰგავს. სურს იპოვნოს ორეული, მაგრამ ამ იდეას დაბრკოლებები ხვდება. ყველაფერი უცნაურ ამბებში გადაიზრდება. ფილმი სავსეა სიმბოლოებით, რომელთა გაგებაც არც ისე მარტივია.
10მებრძოლთა კლუბი (Fight Club)
- ქვეყანა: აშშ, გერმანია
- რეჟისორი: დევიდ ფინჩერი
- მთავარ როლებში: ედვარდ ნორტონი, ბრედ პიტი
მთავარი გმირი დეპრესიით და უძილობით იტანჯება. ის რუტინითაა შებოჭილი. როცა მიხვდება, რომ მის ცხოვრებას ნათელი ფერები აკლია, საპნის უცნაური გამყიდველი ხვდება.
ორი მამაკაცი საიდუმლო კლუბის შექმნას გადაწყვეტს მკაცრი წესებით. იქ არიან ადამიანები, რომლებსაც ერთმანეთის ცემა სურთ, რათა ნაცრისფერი დღეები გაახალისონ. მალე იდუმალი გოგონა მარლა მამაკაცებს შორის დგება.
9ბრწყინვალე გონება (A Beautiful Mind)
- ქვეყანა: აშშ
- რეჟისორი: რონ ჰოვარდი
- მთავარ როლებში: რასელ ქროუ
ფილმის სიუჟეტი რეალურ ამბავს ეყრდნობა, მათემატიკოსის, რომელსაც საიდუმლო მოლაპარაკების გაშიფვრა სურს. მალე განსხვავება იკარგება იმაში, თუ რა არის რეალობა და რა არა.
8მემანქანე (The Machinist)
- ქვეყანა: ესპანეთი, საფრანგეთი, ბრიტანეთი, აშშ
- რეჟისორი: ბრედ ანდერსონი
- მთავარ როლებში: კრისტიან ბეილი, ჯენიფერ ჯეისონ ლი.
ტრევორი ქარხანაში მუშაობს. უკვე 1 წელია ვერ იძინებს და ცუდად ჭამს. მას ჰალუცინაციები ეწყება, რის გამოც იკარგება რეალობასა და გამოგონილს მიღმა. საშიში მოჩვენებები პარანოიკად აქცევენ. რა დაემართა და რატომ დაზიანდა ასე ძლიერ მისი ფსიქიკა? პასუხს ფილმში იპოვნით.
7ექსპერიმენტი (The Experiment)
- ქვეყანა: აშშ
- რეჟისორი: პოლ შერინგი
- მთავარ როლებში: ედრიან ბროუდი, ფორესტ უიტაკერი
ამ თრილერის ინსპირაციის წყარო ნამდვილი ექსპერიმენტი გახდა, რომელიც სტენფორდის ციხეში ჩაატარეს. მკაცრ ფსიქოლოგიურ ექსპერიმენტში 26 მამაკაცი მონაწილეობდა. ზოგს პატიმრის როლი მოარგეს, ზოგს დაცვის. ნელ-ნელა მოვლენები კონტროლიდან გამოდის.უმუშევარ ტრევისს და სხვა მონაწილეებს დაპირდნენ 1000 დოლარის გადახდას დღეში, რათა კონკრეტული როლები მოერგოთ. მათ იფიქრეს, რომ ეს სახალისო იქნებოდა, მაგრამ გისოსებში ყველა სიტყვამ შეიძლება ადამიანი გააგიჟოს.
6შეშლილთა კუნძული (Shutter Island)
- ქვეყანა: აშშ
- რეჟისორი: მარტინ სკორსეზე
- მთავარ როლებში: ლეონარდო დიკაპრიო, მარკ რუფალო.
ტედი მარშალია, რომელიც სულიერად ავადმყოფთა კლინიკაში კვლევისთვის გაგზავნეს. დამხმარესთან ერთად, მან უნდა გამოიძიოს საქმე დაკარგულ ქალზე და დააკვირდეს უცნაურ მოვლენებს კლინიკის კედლებში. ყველაფერი ნორმალურად იწყება, მაგრამ მალე ხვდება, რომ ყველაფერი ისე არ არის, როგორც ჩანს.
5პეპლის ეფექტი (Side Effects)
- ქვეყანა: აშშ
- რეჟისორი: სტივენ სოდერბერგი
- მთავარ როლებში: ჯუდ ლოუ, რუნი მარა, კეტრინ ზეტა-ჯონსი, ჩენინგ ტატუმი.
4 წლის მანძილზე ემილი ქმრის განთავისუფლებას ელოდა. როგორც იქნა, მარტინი სახლში ბრუნდება, მაგრამ ემილი ისევე ცუდად გრძნობს თავს, როგორც მაშინ, როცა ის დაიჭირეს. დეპრესიას თვითმკვლელობის მცდელობა მოყვება და მას წამლებს უნიშნავენ.
4მექანიკური ფორთოხალი (A Clockwork Orange)
- ქვეყანა: ბრიტანეთი, აშშ
- რეჟისორი: სტენლი კუბრიკი
- მთავარ როლებში: მალკოლმ მაკდაუელი
ინგლისში ალექსი და მისი ბანდა აკრძალულ პრეპარატებს იღებს და ხულიგნობას ეწევა. მალე მათი ქმედებები ძალადობრივი ხდება, სახეზე ღიმილით. ციხეში მოხვედრის შემდეგ, ალექსს უტარებენ ექსპერიმენტს, რათა კეტილმოსურნე მოქალაქედ აქციონ. მაგრამ, ადამიანშ თურმე ყველაფერს ვერ შეცვლი….
3თრუმანის შოუ (The Truman Show)
- ქვეყანა: აშშ
- რეჟისორი: პიტერ უეირი
- მთავარ როლებში: ჯიმ ქერი
უკვე რამდენიმე წელია, რაც თრუმენი რეალითი შოუს მთავარი გმირია. მთელი მსოფლიო აკვირდება მის ცხოვრებას, მაგრამ თავად ამაზე წარმოდგენა არ აქვს. ერთხელაც, თრუმენს უყვარდება გოგონა, რომელიც სცენარის მიხედვით მისი ცოლი არ უნდა გახდეს, ამიტომაც რეჟისორი ყველაფერს აკეთებს მის გასაქრობად. მთავარ გმირს დეპრესია იწყება და რაღაცეების გამოააშკარავებას იწყებს.
2ფოტო ერთ საათში (One Hour Photo)
- ქვეყანა: აშშ
- რეჟისორი: მარკ რომანეკი
- მთავარ როლებში: რობინ უილიამსი
სავაჭრო ცენტრში მამაკაცი ფოტოსტუდიაში მუშაობს. ის ნამდვილი პერფექციონისტია, გიჟდება საკუთარ საქმეზე და პატივისცემით ეპყრობა ყველა კლიენტს. ერთ ოჯახს ის განსაკუთრებით უყვარს. რამდენიმე წლის მანძილზე იღებდა საი მათ ოჯახურ ფოტოებს და აკვირდებოდა როგორ ვითარდებოდა მათი ცხოვრება და იცვლებოდა დამოკიდებულება ერთმანეთის მიმართ. ერთ დღესაც ჩაუვარდება ხელთ მტკიცებულება, რომელიც მის ეჭვებს ადასტურებს.
1ვიღაცამ გუგულის ბუდეს გადაუფრინა (One Flew Over the Cuckoo’s Nest)
- ქვეყანა: აშშ
- რეჟისორი: მილოშ ფორმანი
- მთავარ როლებში: ჯეკ ნიკოლსონი
რენდლის ციხიდან ფსიქიატრიულ კლინიკაში გადაიყვანენ, სადაც ფიქრობს რომ შეზღუდვები ნაკლებად ექნება. მაგრამ, იდილიას ექთანი რეტჩი არღვევს. ის სასტიკად ექცევა პაციენტებს, ატარებს ელექტრო თერაპიას, ჭყიპავს მათ წამლებით. მაკმერფი სიტუაციის გამოსწორებას და პაციენტების დახმარებას გადაწყვეტს.