დუკანის დიეტა

ფრანგმა ნევროლოგმა და დიეტოლოგმა, დოქტორმა პიერ დუკანმა შექმნა კვების სისტემა, რომელიც, ექსპერტების თქმით, ყველაზე ეფექტური დიეტაა, რადგან იგი სწრაფად მოქმედებს და შედეგი გარანტირებულია.

დიეტა დაეხმარა კემბრიჯის ჰერცოგინიას დაქორწინებამდე. ასევე, ჯენიფერ ლოპეზს მშობიარობის შემდეგ.

დღეს ჩვენ გავიგეთ, რა არის ამ დიეტის უპირატესობა და რატომ მიიჩნევენ მას საუკეთესო დიეტას ჯანმრთელობისა და წონაში კლებისთვის.

დუკანის დიეტა

რა არის დუკანის დიეტა

დუკანის დიეტა არის კვების სისტემა და მისი მიზანია წონაში სწრაფი და ჯანსაღი კვება ისე, რომ შედეგები სამომავლოდაც შეინარჩუნოთ. იგი დაფუძნებულია 100 ნებადართულ საკვებზე, რომელთაგან 72 არის პროტეინის შემცველი საკვები(ხორცი, კვერცხი, რძის პროდუქტი), 28 – დამატებითი(სანელებლები, სოუსები და ბოსტნეული).

იმისათვის, რომ წონაში სწრაფად დაიკლოთ ყოველგვარი სტრიებისა და ცელულიტის გარეშე, დიეტას აქვს 4 ნაწილად დაყოფილი წესები: 2 ეტაპი ეძღვნება წონაში კლებას, 2 – წონის შენარჩუნებას.

მნიშვნელოვანია ძირითადი პრინციპების დაცვა.

ძირითადი პრინციპები:

• მიიღეთ დღეში 2 ლიტრზე მეტი სითხე(ჩაი და ყავა ნებადართულია);

• არ დაამატოთ მაიონეზი საკვებში;

• შეამცირეთ მარილის დოზა(სამაგიეროდ, გამოიყენეთ მეტი სოუსი და სანელებელი);

• მიირთვით შვრიის პროდუქტი ყოველდღე;

• არ დაგავიწყდეთ ფიზიკური აქტივობა (სეირნობა და ვარჯიში).

ძირითადი წესების გარდა, დიეტა მოიცავს 4 ეტაპსაც. ყოველ მათგანს საკუთარი მიზანი აქვს.

#1 შეტევის ეტაპი: დაუყოვნებლივი შედეგი

ამ ეტაპის მიზანია დიდი რაოდენობით ცილის მიღება, რაც ორგანიზმს აიძულებს მისი მარაგის გამოყენებას: სხეული ცხიმებს უფრო სწრაფად დაწვავს, ცილები კი შეგინარჩუნებთ კუნთოვან და ძვლოვან ქსოვილებს;

ამ ეტაპზე, ადამიანები თავს შეუძლოდ გრძნობენ, როგორც წესი. ეს იმის ნიშანია, რომ სხეული ცხიმის მარაგს იყენებს. სწორედ ამიტომ, შეტევის პერიოდი ხანმოკლეა.

ხანგრძლივობა დამოკიდებულია კილოგრამებზე, რომელთა მოშორებაც გსურთ. პირველი ეტაპის ხანგრძლივობის შერჩევა თავად შეგიძლიათ:

• 20 კგ-ზე ნაკლები ჭარბი წონა – 3-დან 5 დღემდე;

• 20-დან 30 კგ-მდე – 5-7 დღე;

• 30 კგ და მეტი – 5-10 დღე.

დუკანის დიეტა

ილუსტრაციაზე წარმოდგენილია პროტეინის შემცველი 72 პროდუქტი. იგი მოიცავს თითქმის ყველა სახეობის ხორცს, თევზს, ზღვის პროდუქტებსა და 0%-იან რძის პროდუქტებს.

ეს პროდუქტები პირველი ეტაპის პერიოდში უნდა მიირთვათ. ასევე, დღეში აუცილებლად უნდა მიირთვათ მინიმუმ 1.5 ს/კ შვრია და 1.5 ლ სუფთა წყალი.

#2 ჩანაცვლების ეტაპი: მიღწევა

ამ ეტაპის მიზანი: ამ პერიოდში ემატება 28 ბოსტნეული(კომბოსტო, სოკო, პომიდორი, კიტრი და ა.შ.) პროტეინის შემცველ 72 პროდუქტს. ამ ეტაპის მიზანია წინა ეტაპზე დაკლებული წონის შენარჩუნება.

ხანგრძლივობა: ეტაპის ხანგრძლივობა დამოკიდებულია იმაზე, თუ რამდენი კგ დაიკელით წინა ეტაპზე. დაკლებული ყოველი 1 კგ = ჩანაცვლების 10 დღეს. მაგალითად, თუ 3 კგ დაიკელით პირველ ეტაპზე, ჩანაცვლების პერიოდი 30 დღე უნდა გაგრძელდეს.

ჩანაცვლების არჩევანი:

• 1 პროტეინის დღის შემდეგ 1 ბოსტნეულისა და პროტეინის დღე;

• 3 პროტეინის დღის შემდეგ 3 ბოსტნეულისა და პროტეინის დღე;

• 5 პროტეინის დღის შემდეგ 5 ბოსტნეულისა და პროტეინის დღე.

დუკანის დიეტა

ილუსტრაციაზე ნაჩვენებია 28 ნებადართული ბოსტნეული. შეგიძლიათ, იმდენი ბოსტნეული მიირთვათ, რამდენიც გსურთ და მოამზადოთ ისე, როგორც გსურთ. ასევე, უნდა მიირთვათ 2 ს/კ შვრია და დალიოთ 1.5 ლ სუფთა წყალი.

ასევე, ნებადართულია: ყველი(6%-ზე ნაკლები ცხიმით), კეჩუპი, სანელებლები, 2 ნაჭერი პური(დღეში) და 50 გრ ღვინო.

დუკანის დიეტა

#3 სადაზღვეო ეტაპი: წონის მატების გამორიცხვა

ამ ეტაპის მიზანი: ამ პერიოდში, მიმდინარე წონა სტაბილიზდება და ადამიანი უფრო მსუბუქ დიეტაზე გადადის. ასე, რომ თქვენ შეგიძლიათ გემრიელი პროდუქტებიც მიირთვათ: პური, ხილი, ყველი, ტკბილეული.

ხანგრძლივობა: დამოკიდებულია ითვლება სწორედ ისე, როგორც მეორე ეტაპზე: 1 კგ = ჩანაცვლების 10 დღეს.

დუკანის დიეტა

მესამე ეტაპის წესები:

• კვირის განმავლობაში, კვირაში 1 დღე უნდა მიირთვათ მხოლოდ პროტეინები;

• ყოველდღე უნდა დაუმატოთ 2.5 ს/კ შვრია საკვებს;

• მიირთვით არანაკლებ 1.5 ლ სუფთა წყალი დღეში;

• კარგი იქნება ხილის ყოველდღე მირთმევა(გარდა ყურძნის, ბანანისა და ალუბლისა);

• კვირაში ორჯერ შეგიძლიათ კარტოფილის, სიმინდის, ოსპის, ლობიოს, პასტას და სხვა სახამებლისშმცველი საკვები;

• კვირაში ორჯერ შეგიძლიათ იმ ყველაფრის ჭამა, რაც გსურთ, მაგრამ ეს უნდა იყოს საუზმის, სამხრის ან სადილის ნაცვლად.

#4 შენარჩუნების ეტაპი: ცხოვრებისთვის

ეს უკანასკნელი ეტაპია და დაფუძნებულია 4 მარტივ წესზე, რომლებიც მთელი ცხოვრების მანძილზე უნდა დაიცვათ, რათა არ აღიდგინოთ დაკარგული კილოგრამები.

1. 3 ს/კ შვრია ყოველდღე;

2. დღეში მინიმუმ 1.5 ლ წყალი;

3. მეტი სეირნობა;

4. კვირაში 1 დღე მხოლოდ პროტეინი.

ეს 4 წესი დაგეხმარებათ წონის მუდმივად შენარჩუნებაში, ამასთან კი შეგეძლებათ ყველაფრის ჭამა სხვა კვირაში 6 დღე.

როგორ უნდა დაგეგმოთ დიეტა

დიეტისთვის შეარჩიეთ საკვები, რომელიც თქვენ მოგწონთ და დარწმუნდით, რომ პროტეინები და ბოსტნეული, რომლებსაც შეარჩევთ, დასაშვებია ამა თუ იმ ეტაპზე.

ასევე, იმის წყალობით, რომ დიეტაში უამრავი ნებადართული პროდუქტია, მარტივად შეგიძლიათ უამრავი რეცეპტის მოძიება და საკვების მომზადება, რათა ყოველდღე ერთი და იგივე საკვების მირთმევა არ მოგიხდეთ.

დასკვნა

დუკანის დიეტა არაჩვეულებრივი საშუალებაა არამხოლოდ ჭარბი კილოგრამების დასაკლებად, არამედ იმისთვისაც, რომ მთელი ცხოვრების მანძილზე შეინარჩუნოთ არსებული წონა. ამ დიეტის დროს ალკოჰოლის მიღებაც კი შეგიძლიათ, ასე, რომ არ გამორჩებით წვეულებებს მეგობრებთან ერთად.

თუმცა, მიუხედავად დიეტის ეფექტურობისა(თქვენ კვირაში 3-დან 6 კგ-მდე იკლებთ), იგი არ უხდება ყველას, მათ შორის, ქრონიკულად დაავადებულ ადამიანებს. ამას გარდა, პირველი ეტაპი საკმაოდ რთულია სხეულისთვის, ამიტომაც გირჩევთ, დაწყებამდე გაიაროთ კონსულტაცია ექიმთან.

  NOTEPAD.GE

  კომენტარები