კაქტუსები ან კაქტუსებრი მცენარეები მრავალწლიანი მცენარეთა ოჯახია. მათი ტოტები მრავალფეროვანია და სახეობების თუ ფორმების მიხედვით განსხვავდება. კაქტუსის სამშობლო ამერიკაა, ევროპაში ის XVI საუკუნიდან ჩნდება.
ყველამ ვიცით, რომ კაქტუსი სახლის მცენარეა, რომლის მოვლაც ზარმაცსაც შეუძლია. წლის ცივ დროს შეგიძლიათ წყალი ორ კვირაში ერთხელ დაუსხათ, ზაფხულში უფრო ხშირად. წვიმის წყალი ამისთვის საუკეთესო საშუალებაა. მათი განთავსება რეკომენდირებულია ან აივანზე ან რაფაზე.
სახლის კაქტუსი
კაქტუსების მოყვარულთა უმრავლესობა მათ სამუშაო მაგიდაზე, კომპიუტერის მონიტორთან ან ტელევიზორის ეკრანთან დგამს. მეცნიერებმა დიდი ხნის წინ ახსნეს, რომ კაქტუსებს ელექტრომაგნიტური იმპულსების ბლოკირება შეუძლიათ, რომლებსაც ადამიანებზე ნეგატიური გავლენა აქვთ.
ამ მცენარეს ჩვენი წინაპრები კომპიუტერის გამოგონებამდე იყენებდნენ თავის სასარგებლოდ. უძველესი დროიდან კაქტუსი სამკურნალო მიზნებისთვის გამოიყენება: საკვებში თუ რელიგიურ რიტუალებში.
ეს ვრცელი სია არაა, თუმცა წარმოგიდგენთ კაქტუსის 7 თვისებას, რაც აღაცებაში მოგიყვანთ!
კაქტუსის შემადგენლობაშია ალკალოიდები, რომლებიც ანტიბაქტერიულ ქმედებებს განახორციელებენ.
კაქტუსები დაავადებების გამავრცელებელ ბაქტერიებსა და სოკოებს ებრძვიან.
კაქტუსის წვენი რევმატიზმის სამკურნალოდ გამოიყენება.
მოტეხილობის დროს მცენარის წვენისგან დამზადებულ კომპრესებს იყენებენ.
კაქტუსის წყლის და სპირტის ხსნარები გულ-სისხლძარღვთა დაავადებების სამკურნალოდ გამოიყენებიან.
კაქტუსი კუჭში ტკივილს აცხრობს, ნივთიერებათა ცვლის პროცესს არეგულირებს და იმუნიტეტს აძლიერებს.
ასევე, მცენარე ბახუსის სინდრომს ხსნის, თავის ტკივილს აქრობს, იარების მალე შეხორცებას უზრუნველყოფს.
როგორ მივიღოთ მცენარე სხვადასხვა დაავადებებისას:
ხველებისას, გაციებისას და ტუბერკულიოზის დროს
მსგავსი წამლის მოსამზადებლად 1 ჩაის კოვზი კაქტუსის წვენი და ალთეას წვენი აურიეთ, დაამატეთ 1 სუფრის კოვზი თაფლი. მიიღეთ დღეში სამჯერ.
ქრონიკული ბრონქიტის დროს
2 სუფრის კოვზი დაფხვნილი მცენარე 1 ლიტრ რძესთან შეურიეთ. დადგით 12 საათი და ნახევარი ჭიქა დღეში სამჯერ მიიღეთ.
ჩირქოვანი ჭრილობების დროს
კაქტუსის წვენი პირშუშხას წვენს შეურიეთ პროპორციით 2:1. დაალბეთ მასში მარლა და ჭრილობაზე დაიდეთ. შეცვალეთ ყოველ სამ საათში.
კუჭის სამკურნალოს
გამოწურეთ კაქტუსის სითხე, 3 სუფრის კოვზით ჩაასხით თერმოსში, დაამატეთ მანდარინის ნაჭუჭი, შეავსეთ 0.5 ლიტრი ცხელი რძით და დააყენეთ 14 საათი. მიღებული მასა ნახევარი ჭიქა საჭმლის მღებამდე დღეში 3-ჯერ დალიეთ.
სახსრებში ტკივილის და რადიკულიტის დროს
მოაცალეთ ეკლები, მჭერით კაქტუსის ნაჭერი, დააქუცმაცეთ, დაიმასაჟეთ ატკიებული ადგილი, შეიხვიეთ და რამდენიმე საათი დაისვენეთ.