მიუხედავად იმისა, რომ იოგა საწყისს ინდური კულტურიდან იღებს და პირდაპირ არის დაკავშირებული რელიგიურ სწავლებასთან, თანამედროვე სამყაროში ის ძალიან პოპულარული გახდა. ეს იმიტომ, რომ იოგას მეცნიერებაში არსებობს სულისა და სხეულის განვითარების სხვადასხვა დონეები. პოპულარობის პიკზე არის ასანები. ეს არის სხეულისა და გონების გაერთიანება ფიზიკური ვარჯიშების დახმარებით. როგორც წესი, ვარჯიშები მიმართულია მოქნილობის განვითარებისა და კუნთების მოდუნებისკენ.
ასანები იოგაში
ასანები – არის პოზები იოგაში, რომლებიც ავითარებს მოქნილობას და სხეული მოჰყავს ტონუსში. ყოველი ასანა განკუთვნილია კუნთების გარკვეული ჯგუფის განვითარებისთვის. ხშირად, მეტი ეფექტის მისაღებად, გასახდომი იოგას ასანები ერთობლიობაშია სუნთქვით ვარჯიშებთან.
იოგას დახმარებით შესაძლოა ზურგის, მუცლის პრესის, ხელებისა და ფეხების კუნთების განვითარება და გამაგრება. თუ გეცოდინებათ, როგორ შეასრულოთ ვარჯიშები სწორად, შეძლებთ სხეულის კარგი ფიზიკური ფორმების ჩამოყალიბებას.
დღეს მოგიყვებით უტანა შიშასანას ასანის შესახებ (თარგმანში ,,გაღვიძებული ლეკვის პოზა”), მისი შესრულება რეკომენდებულია ზურგისა და მხრების ტკივილის დროს. ვარჯიში არ უნდა შეასრულოთ ხერხემლისა და მუხლის ტრავმების დროს.
როგორ შევასრულოთ ვარჯიში
1. დადექით მუხლებზე, მაჯები დააწყეთ იატაკზე, მხრების სიგანეზე. ხელები და ფეხები უნდა იყოს იატაკის პერპენდიკულარული, ზურგი კი – მისი პარალელური. ამ პოზას ჰქვია გოასანა ანუ ,,მაგიდის პოზა”.
2. ხელისგულები დადგით წინ, მკერდი და ნიკაპი დაუშვით იატაკზე. არ დაეყრდნოთ იდაყვებს იმისათვის, რომ წელის ნაწილი არ დაიტვირთოს.
3. ამოსუნთქვისას თავი თანდათან ჩაუშვი, ნიკაპი მიმართე მკერდისკენ, ქვემოთ. ეცადეთ შეეხოთ ხერხემლის მკერდის ნაწილს.
4. გაშალეთ მხრები და გაჭიმე ბეჭები. ეცადეთ, რომ მხრის სახსრები გაშალოთ.
5. პრესი გაჭიმეთ ისე, რომ უკანალი გაიჭიმოს ხერხემლისკენ. შემდეგ დაუბრუნდით საწყის პოზას.
6. მძინარე ლეკვის პოზაში გააკეთეთ 10 ან 15 სუნთქვითი ციკლი. უნდა ისუნთქოთ წყნარად და კონცენტრირებული უნდა იყოთ გულ-მკერდისა და მხრების სახსრების გაშლისკენ. გაღვიძებული ლეკვის პოზის შემდეგ, მიიღეთ ბავშვის პოზა. ჩაუშვი გავა ქუსლებზე და თან ზურგი მოადუნე.
ვარჯიში დაგეხმარებათ ხერხემლის მოქნილობის განვითარებაში, ასევე გულ-მკერდისა და მხრების სახსრების მოდუნებაში. რეგულარული შესრულების დროს მაგრდება ზურგის, ხელებისა და ბარძაყების კუნთები. განსაკუთრებით სასარგებლოა ამ ვარჯიშის შესრულება ქრონიკული სტრესებისა და უძილობის დროს.
იოგას ასანის კომპლექსი შეგიძლიათ შეარჩიოთ ინდივიდუალური მეთოდით, მთავარი ის არის, რომ ყველა ვარჯიში შეასრულოთ მსუბუქად და თანმიმდევრულად – ინსტრუქციის მიხედვით. გახსოვდეთ, აუცილებელია წინასწარი მოთელვა!
თქვენ თუ ხართ დაკავებული იოგათი? რომელ ვარჯიშებს ასრულებთ? გაგვიზიარეთ კომენტარებში, სტატია კი თქვენს მეგობრებსაც აჩვენეთ!