როცა ძვირიანი პროდუქტების შეძენის საშუალება არ მაქვს, ამ 4 რეცეპტიდან ერთერთს ვიყენებ ხოლმე.

1.5K

ახალი ორაგული, ვირთევზა და თინუსი – გემრიელი, მაგრამ ძვირია. ამიტომაც ხშირი მოხმარებისთვის გირჩევთ იაფ ვარიანტებს.

მინტაი, მოივა, ზოგიერთი ვირთევზა, სკუმბრია – ეს სახეობები მდიდარია ცხიმიანი მჟავებით და ისეთივე გემრიელია, როგორც ელიტარულები. ამასთან, სამჯერ იაფი ღირს. გირჩევთ მარტივ რეცეპტებს.

კერძები იაფი თევზისგან

მინტაი, ჩათუშული სოიოს სოუსში

ინგრედიენტები

• 2 კგ მინტაი
• 150 მლ სოიოს სოუსი
• 50 მლ წყალი
• 10 გ შაქარი
• 2 ს. კ. მზესუმზირის ზეთი
• 0,5 კონა მწვანე ხახვი
• 3 კბილი ნიორი
• 1 წიწაკა ჩილი

მომზადება

1. გაასუფთავეთ მინტაი შავი ქერქისგან, მოაცილეთ ფარფლები. დაჭერით პროპორციულ ნაჭრებად.
2. მარინადისთვის აურიეთ სოიოს სოუსი, შაქარი, წყალი, ზეთი. მიიყვანეთ მასა ადუღებამდე, მაშინვე გადმოიღეთ ცეცხლიდან.
3. ბოლოკი დაჭერით წრიულ ნაჭრებად, ჩაალაგეთ ქვაბში, ზევიდან დააწყვეთ თევზის ნაჭრები. დაასხით მინტაის მარინადი, დადგით გაზქურაზე. ადუღების შემდეგ ჩათუშეთ ნელ ცეცხლზე 40 წთ.
4. დაუმატეთ თევზს დაჭრილი ხახვი, დაჭყლეტილი ნიორი და ჩილი. მოამზადეთ კიდევ 5 წთ.

მოივა ჩაიში

ინგრედიენტები

• 300 გ მოივა
• მარილი
• 100 მლ წყალი
• 1 პაკეტი შავი ჩაი
• 1 ხახვი
• 0,5 ჩ. კ. შაქარი
• 0,5 ს. კ. ლიმნის წვენი
• 20 მლ მზესუმზირის ზეთი
• 1 დაფნის ფოთოლი
• პილპილი

მომზადება

1. მოხარშეთ მაგარი ჩაი, დაუმატეთ ლიმნის წვენი, მარილი, შაქარი, პილპილის ბურთულები. ხახვი დაჭერით თხელ ნაჭრებად.
2. მოივა გარეცხეთ, გაამშრალეთ ქაღალდის პირსახოცით, მოათავსეთ ტაფაზე ზეთთან ერთად. დაასხით ჩაი, ზევიდან მოათავსეთ დაჭრილი ხახვი და დაფნის ფოთოლი.

ვირთევზა, გამომცხვარი არაჟანში

ინგრედიენტები

• 800 გ ვირთევზა
• მარილი
• 0,5 ს. კ. ლიმნის ცედრა
• 2 ს. კ ლიმნის წვენი
• შავი პილპილი
• 100 გ არაჟანი
• 100 გ მაგარი ყველი

მომზადება

1. დაამუშავეთ თევზი. წვენი, ცედრა და გახეხილი ყველი აურიეთ არაჟანთან.
2. ნახევარი თევზი მოათავსეთ ფოლგაზე, წაუსვით ნახევარი სოუსი. ზევიდან დაადეთ დარჩენილი ფილე, რომელსაც შემდგომ წაუსმევთ სოუსს. მოკეცეთ ფოლგის კუთხეები, ისე რომ თევზს არ ეხებოდნენ. კამარას ფორმა უნდა გამოგივიდეთ.
3. გოაცხვეთ 20 წთ. 200 გრადუსზე.

სკუმბრია, გამომცხვარი ბოსტნეულთან

ინგრედიენტები 

• 2 სკუმბრია
• 1 სტაფილო
• 1 ხახვი
• 2 ს. კ. მცენარეული ზეთი
• პილპილი
• მარილი
• 1 ჩ. კ. შაქარი
• 1 ს. კ. ტომატპასტა
• 1 ჭიქა წყალი

მომზადება

1. თევზი დაამუშავეთ. მიღებულ ფილეს მოაყარეთ მარილი და პილპილი. მოათავსეთ გამოსაცხობ ფორმაზე.
2. სტაფილო გახეხეთ სქლად. ხახვი დაჭერით წვრილ კუბიკებად. მიღებული ბოსტნეული შეწვით მზესუმზირის ზეთში დაუმატეთ ტომატპასტა. მოთუშეთ კიდევ 2 წთ.
3. მოათავსეთ ბოსტნეული თევზზე. შედგით 200 გრადუსზე გაცხელებულ გაზქურაში 20 წუთით.