პიცა მსოფლიოში ერთ-ერთი ყველაზე პოპულარული კერძია. მისი სამშობლო იტალიაა, თუმცა მის გარეშე ცხოვრებას ვერ წარმოიდგენენ ვერც ამერიკაში და ვერც ევროპის სხვა ქვეყნებში.
პიცის მომზადებას განსაკუთრებული ხელობა არ სჭირდება, ინგრედიენტებით კი შეგიძლიათ ექსპერიმენტები დაუსრულებლად ჩაატაროთ.
თქვენი ხელებით მომზადებული პიცის მოსასხმელი არანაკლებად გემრიელი იქნება, ვიდრე პიცერიებში. მთავარია დაიცვათ პროპორციები, იზრუნოთ ინგრედიენტთა შეხამებაზე და მიყვეთ ჩვენს რეცეპტებს.
პიცა საშინაო პირობებში
გემრიელი პიცისთვის რამდენიმე წესის დაცვაა საჭირო:
- არ გამოაცხოთ ძალიან დიდხანს. საკმარისია თხელი ცომი შეფუცხუნდეს, რომ ყველი ზევიდან დადნება.
- თუ გსურთ, რომ იყოს ხრაშუნა, მოაყარეთ პიცას ყველი მაშინვე, გაზქურაში გაგზავნამდე. თუ რბილი გინდათ, გამოაცხვეთ 15 წთ, მოაყარეთ ყველი და გააჩერეთ გაზქურაში 5 წუთით.
- აუცილებლად გამოიყენეთ მაიონეზი, კეტჩუპი ან სპეციალურად მომზადებული სოუსი.
- გაანაწილეთ ყველა კომპონენტი თანაბრად და ყოველთვის მიიტანეთ კერძი ცხლად.
- როგორც არ უნდა იყოს მასა, მთავარია კარგი ყველი: პარმეზანი, მოცარელა, გაუდი ან რამე მსგავსი.
პიცა «მარგარიტა»
მისი ისტორია 1889 წელს დაიწყო, როცა იტალიის მეფე უმბერტო პირველი და დედოფალი მარგარიტა ნეაპოლს ესტუმრნენ. მეფეს ცნობილ შეფთან პიცის გასინჯვა მოუნდა და ყველაზე მეტად იტალიის დროშის ფერებში გადაწყვეტილი ვარიანტი მოეწონა: პომიდორით, მოცარელათი და რეჰანით.
როცა მარგარიტამ ჰკითხა მზარეულს რა ერქვა პიცას, შეფი არ დაბნეულა და უპასუხა, რომ მას დედოფლის საპატივცემულოდ დაარქმევდა სახელს. ამის შემდეგ “მარგარიტამ” იტალიაში და მის ფარგლებს გარეთ დიდ წარმატებას მიაღწია.
ინგრედიენტები
- 200 გ მოცარელას ყველი
- 4 ს.კ. ტომატის სოუსი
- რეჰანი
- მარილი, პილპილი
მომზადება
- თამამად წაუსვით ცომს ტომატის სოუსი
- მოაყარეთ მარილი და პილპილი.
- ზედა ფენაზე გახეხილი მოცარელა მოათავსეთ, გაანწილეთ ლამაზად, თხელ წრეებად დაჭრილი.
- გამოაცხვეთ არაუმეტეს 10 წთ 250 გრადუსზე.
- გამოიღეთ გაზქურიდან, მოაყარეთ რეჰანი და ისევ რამდენიმე წუთით მოათავსეთ გაზქურაში.
ჰავაური პიცა
ამერიკული ჰავაური პიცა მზადდება ბეკონით, ანანასით და ყველი მოცარელათი. პიცის ეს სახეობა პოპულარულია აშშ-ს დასავლეთ ნაწილში, ავსტრალიასა და კანადაში, მაგრამ არა ჰავაის კუნძულებზე.
ინგრედიენტები
- 50 გ დაკონსერვებული ანანასი
- 100 გ ბეკონი
- 50 გ მოცარელა
- 3 ს.კ. ტომატის სოუსი
- რეჰანი, ორეგანო, მარილი, შავი დაფქული პილპილი
მომზადება
- თხლად გაბრტყელებულ ცომს წაუსვით ტომატის სოუსი.
- მოაყარეთ საკმაზები.
- უხვად დაახეხეთ ყველი.
- ზევიდან მოათავსეთ ბეკონის და ანანასის ნაჭრები.
- გამაოცხვეთ 10 წთ.
ხანდახან უმატებენ დაკონსერვებულ სიმინდსაც.
მექსიკური პიცა
ინგრედიენტები
- 200 გ ხორცის ფარში (ღორის/საქონლის)
- 1/2 ბულგარული წიწაკა
- 1/2 ცხარე წიწაკა
- 1/3 საშუალო ხახვი
- 100 გ მაგარი ყველი
- 2 ს.კ. ცხარე ტომატის სოუსი
- 10 ზეთისხილი კურკების გარეშე
- 2 ს.კ. მცენარეული ზეთი
- მარილი და შავი დაფქული პილპილი
მომზადება
- წვრილად დაჭერით ხახვი
- შეწვით მცენარეულ ზეთში გაცხელებულ ტაფაზე ოქროსფერ შეფერილბამდე.
- დაუმატეთ ფარში, შეწვით მომზადებამდე, მოაყარეთ მარილი და პილპილი.
- დაჭერით თხელ წრეებად.
- წაუსვით ცომს სოუსი, მოათავსეთ მასზე ფარში და წიწაკა.
- მოაყარეთ ყველი და გამოაცხვეთ 20 წთ.
- მორთეთ ზეთისხილით.
სოკოს პიცა
ინგრედიენტები
- 100 გ შამპინიონები
- 150 გ ბეკონი
- 180 გ მოცარელა
- 100 გ ნებისმიერი მაგარი ყველი
- 4 ს.კ. კეტჩუპი
- 3 ს.კ. არაჟანი
- 2 ს.კ. ზეითუნის ზეთი
- 1 პომიდორი
- მარილი, პილპილი
მომზადება
- აურიეთ კეტჩუპი, არაჟანი და ზეითუნის ზეთი ჯამში. მოაყარეთ მარილი და საკმაზები.
- წაუსვით მიღებული სოუსი ცომს.
- მოაყარეთ ნახევარი გახეხილი ყველი.
- ყველზე თხლად დაჭრილი ბეკონი დააწყვეთ.
- ზევიდან დაუმატეთ შამპინიონების ფენა.
- შემდეგ დარჩენილი ბეკონი და მოცარელას კუბიკები.
- ზევიდან დარჩენილი ყველი.
- გამაოცხვეთ 10 წთ მაქსიმალურ ტემპერატურაზე.
ბოსტნეულის პიცა
მათთვის, ვინც არ ჭამს ხორცს:
ინგრედიენტები
- 50 გ ბადრიჯანი
- 50 გ ტკბილი პილპილი
- 1 ხახვი
- 1 პატარა პომიდორი
- 10 ზეთისხილი კურკების გარეშე
- 3 ს.კ. ტომატის სოუსი
- 100 გ მოცარელა
- ზეითუნის ზეთი
- ორეგანო, მარილი, პილპილი
მომზადება
- დაჭერით თხლად ბადრიჯანი და ხახვი.
- შეწვით ისინი ტაფაზე ზეთის დამატებით. მოაყარეთ მარილი და პილპილი.
- ტკბილი წიწაკა, პომიდორი და ზეთისხილი დაჭერით რგოლებად.
- დაიტანეთ ცომზე სოუსი, ორეგანო, შემდეგ გახეხილი ყველი.
- ზევიდან წიწაკა, ზეთისხილი და პომიდორი.
- გამოაცხვეთ 10წთ 250 გრადუსზე გაცხელებულ გაზქურაში.
ყველის პიცა
ინგრედიენტები
- 100 გ მოცარელა
- 50 გ პარმეზანი
- 100 გ გორგონზოლა
- 1 ს.კ. ზეითუნის ზეთი
- 1 ჩ.კ. ხმელი ორეგანო
მომზადება
- წაუსცით ცომს ზეითუნის ზეთი, მოაყარეთ ორეგანო ან სხვა საკმაზები.
- მოცარელა დაჭერით 5-10 მმ სისქის ნაჭრებად.
- პარმეზანი გახეხეთ.
- გორგონზოლა დაჭერით სქლად.
- მოათავსეთ ეს ყველაფერი ცომზე.
- გააცხელეთ გაზქურა მაქსიმალურ ტემპერატურაზე (220–250 გრადუსი) გამაოცხვეთ პიცა 10 წთ.
- მთელი ყველი უნდა გადნეს, ცომი უნდა იყოს ვარდისფერი.
საზღვაო პიცა
ინგრედიენტები
- 150 გ ზღვის პროდუქტები
- 100 გ ყველი მოცარელა
- 100 გ მაგარი ყველი
- 2 ს.კ. ცხარე კეტჩუპი
- 10 ზეთისხილი
- 1 ჩ.კ. ხმელი ორეგანო
მომზადება
- მოხარშეთ ზღვის პროდუქტები ინსტრუქციით შეფუთვაზე.
- გახეხეთ მაგარი ყველი, დაჭერით მოცარელა თხლად. დაჭერით ზეთისხილი.
- წაუსვით ცომს სოუსი, მოაყარეთ ყველი.
- ზევიდან დაადეთ ზღვის პროდუქტები, ზეთისხილი, ორეგანო და მოცარელა.
- გამოაცხვეთ 15 წთ
«პეპერონი»
სახელი მიიღო თავისი მთავარი ინგრედიენტის – ცხარე ძეხვი პეპერონის გამო.
ინგრედიენტები
- 120 გ მოცარელა
- 1/2 ცხარე წიწაკა
- 1/2 ხახვი
- 50 გ პეპერონი
- დაფქული პილპილი
- 2–3 ს.კ. ცხარე ტომატის სოუსი
მომზადება
წაუსვით ცომს ტომატის სოუსი მთელ ზედაპირზე.
მოათავსეთ მასზე დაჭრილი მოცარელა, შემდეგ პეპერონის თხელი ნაჭრები. მოაყარეთ პილპილი.
მოათავსეთ გაზქურაში, გაცხელებულში 200 გრადუსზე, 7 წუთით.