2.2K
ლავაში შეუცვლელი პროდუქტია ნებისმიერი სუფრისთვის. არ იფიქროთ, რომ ის დიეტური არ არის. დღეს ჩვენ გთავაზობთ ლავაშით მომზადებულ დიეტურ რეცეპტებს.
მსხვილად დაღერღილი ხორბლის ფქვილის ლავაში ბევრად სასარგებლოა.
ინგრედიენტები
- 300 გ მსხვილად დაღერღილი ფქვილი
- 150-200 მლ თბილი ადუღებული წყალი
- ნახევარი ჩ. კ. მარილი
მომზადება
- გაცერით ფქვილი, მარილი წყალში გახსენით. ჩაამატეთ ფქვილს ცოტ-ცოტა წყალი. მოზილეთ ცომი და დატოვეთ 30 წუთით.
- ცომი გაყავი კვერცხის ზომის ბურთებად. ყოველი მათგანი გააბრტყელე და გამოაცხე მშრალ, კარგად გახურებულ ტაფაზე.
პიცა ლავაშზე
თუ ძალიან თხელი ლავაში გაქვთ, შეგიძლიათ ორმაგი გამოიყენოთ.
ინგრედიენტები
- ერთი თხელი ლავაში
- 200 გ მოხარშული ქათმის ხორცი
- 50 გ მოცარელა
- ერთი პომიდორი
- 2 ს. კ. ტომატ პასტა
- ერთი ჩ. კ. მწვანილი
მომზადება
- ლავაში დააფინეთ საცხობზე, წაუსვით ერთმანეთში არეული ტომატ პასტა და მწვანილი. დაალაგეთ ხორცი, მოცარელას ნაჭრები და პომიდორი.
- შედგით პიცა 180 გრადუსზე გაცხელებულ ღუმელში 15 წუთით.
ლავაშის ჩიფსები
ინგრედიენტები
- ერთი ლავაში
- 3 ს. კ. არაჟანი
- ერთი მწიკვი ნივრის ფხვნილი
- ნახევარი ჩ. კ. კარი
- მარილი
მომზადება
- შეურიეთ არაჟანი, მარილი და სუნელები. წაუსვით ნარევი ლავაშზე და დატოვეთ 10-15 წუთით.
- ლავაში დაჭერი სასურველ ფორმებად, დაალაგე საცხობზე და გააწითლე ღუმელში, 180 გრადუსზე.
დიეტური ლაზანია ლავაშისგან
ინგრედიენტები
- 800 გ ფარში
- 400 გ ქამა სოკო
- ერთი ხახვი
- ერთი სტაფილო
- 3 ს. კ. სქელი იოგურტი
- 3 თხელი ლავაში
- 100 გ მოცარელა
- მარილი
- პილპილი
- 4 ს. კ. ტომატ პასტა
მომზადება
- დაჭერით სოკო ფირფიტებად, ხახვი – წვრილად, სტაფილო კი გახეხეთ. ბოსტნეული მოშუშეთ, გახეხეთ ყველი.
- ფარში შეწვი ცალკე ტაფაში, უცხიმოდ. ჩაამატე ტომატ პასტა, მარილი, პილპილი, ხახვისა და სტაფილოს ნაწილი დაამატე სოკოს, ნაწილი კი ფარშს.
- ლავაში გაჭერით ოთხკუთხედებად. ააწყე ლაზანია ფენებად: ლავაში-ფარში-ყველი-ლავაში-სოკო-ყველი-ლავაში. გააგრძელე შემდეგი თანმიმდევრობით: ლავაშს ზედაპირზე მოუსვი იოგურტი და მოაყარე დარჩენილი ყველი.
- შედგი ფორმა ღუმელში, 180 გრადუსზე 30 წუთით.
დიეტური შტრუდელი ლავაშით
ინგრედიენტები
- 1-2 ფენა ლავაში
- 150 გ ხაჭო
- 3 ვაშლი
- ერთი ს. კ. ქიშმიში
- ერთი ს. კ. თაფლი
- მწიკვი დარიჩინი
- ერთი კვერცხის გული
მომზადება
- ხაჭოს შეურიეთ თაფლი და ქიშმიში. ვაშლი დაჭერით წვრილ კუბებად, ხაჭოს მასა წაუსვით ლავაშს, დაალაგეთ ზემოდან ვაშლი, მოაყარეთ დარიჩინი და გადაახვიე რულეტივით.
- რულეტი გადაიტანეთ საცხობზე, წაუსვით კვერცხის გული, გამოაცხე 180 გრადუსზე 20 წუთის განმავლობაში.
გემრიელად მიირთვით! თუ რეცეპტები მოგეწონათ, გაუზიარეთ სტატია თქვენს მეგობრებსაც!