1.5K
ამ დესერტს ესპანურად და ლათინო ამერიკულად ჰქვია buñuelos, ჩვენთან კი ტკბილ მაჭკატებს ეძახიან. ეს ხემსი მზადდება სხვადასხვა დღესასწაულებზე – შობას, ჰანუკაზე, რამადანის დროს, გააჩნია ქვეყნის ტრადიციას. მათი მომზადება სახლშიც ძალიან მარტივია და შეგიძლიათ, როგორც კი ცოტა დრო გამოგითავისუფლდებათ, თავიც გაირთოთ და გემრიელადაც დანაყრდეთ.
დესერტის მოსამზადებლად 6 მარტივი ეტაპის შესრულებაა საჭირო.
ინგრედიენტები
- 1½ ჭიქა ფქვილი
- 3/4 ჭიქა რძე
- ½ ჭიქა შაქარი
- 1 ჩ. კ. საფუარი
- 1 კვერცხი
- 1 ჩ. კ. ვანილი
- 1 მწიკვი მარილი
- შაქრის პუდრა გემოვნებით
- დაახლოებით 2 ჭიქა რძე
ნაბიჯი 1
- გაცერით ფქვილი, შაქარი, მარილი და საფუარი ერთად. მნიშვნელოვანია, რომ ეს ნარევი იყოს ერთგვაროვანი და მთავარია არ შეჰყვეს კოშტები.
ნაბიჯი 2
- გააკეთეთ ნახვრეტი ამ ნარევის შუაში და ჩაასხით კვერცხის, ვანილისა და რძის ნარევი.
ნაბიჯი 3
- შეურიეთ ყველა ინგრედიენტი, სანამ თანაბარ მასას არ მიიღებთ.
ნაბიჯი 4
- დადგით ტაფა საშუალო ცეცხლზე და ჩაასხით მასში ზეთი. როცა გაცხელდება, აიღეთ ცომი კოვზით და ჩაასხით ზეთიან ტაფაში. ეცადეთ, რომ ცომის ბურთები შეწვის დროს ერთმანეთს არ მიეკროს.
ნაბიჯი 5
- შეწვით გუნდები თითო მხარეს დაახლოებით 3 წუთის მანძილზე. ცომმა უნდა მიიღოს ოქროსფერი ან მოყავისფრო ფერი.
ნაბიჯი 6
- გადადეთ თეფშზე შემწვარი მაჭკატები და მოაყარეთ ზემოდან შაქრის პუდრა.
გაუზიარეთ ამ გემრიელი და მადისაღმძვრელი დესერტის რეცეპტი თქვენს მეგობრებსაც!