ბულგარელი ექიმების დაკვირვების შედეგად აღმოჩნდა, რომ კუჭ-ნაწლავის ტრაქტის მუშაობის გაუმჯობესებასთან ერთად ჭარბი წონის პაციენტები კარგავდნენ ზედმეტ კილოგრამებს. ამის საფუძველზე შემუშავდა წონაში კლების ყველაზე უსაფრთხო დიეტა.
ისმის ლოგიკური კითხვა – რატომ მაინცდამაინც სტაფილო? მთელი არსი, რა თქმა უნდა ამ პროდუქტის შემადგენლობაშია. სტაფილო მდიდარია სხვადასხვა ჯფუფის ვიტამინებით, მიკროელემენტებით, უჯრედისით და ფრუქტოზით. ისინი ერთობლიობაში ათავისუფლებენ ნაწლავებს შლაკებისა და ტოქსინებისგან. დამტკიცებულია, რომ 3 დღიანი სტაფილოს დიეტაც კი იძლევა შედეგს, რომ აღარაფერი ვთქვათ ერთკვირიანზე…
სტაფილოს დიეტის მენიუ
3 დღიანი დიეტა
საუზმე: 250 მლ უცხიმო კეფირი.
მეორე საუზმე: სტაფილოსა და ვაშლის სალათა.
სადილი: სტაფილოს, კომბოსტოს და ბულგარული წიწაკის სუფი.
სამხარი: სტაფილოსა და ფორთოხლის წვენი.
ვახშამი: სტაფილოს წვენი.
ამ სამდღიანი დიეტით შესაძლოა 4 კგ-ის დაკლება. არ დაგავიწყდეთ დღეში მინიმუმ 2 ლიტრა წყლის დალევა
10 დღიანი დიეტა
საუზმე: 2 მწვანე ვაშლი
სადილი: ნახევარი ქათმის მკერდი მოხარშული, უცხიმო ხაჭოს პორცია, გახეხილი სტაფილო ზეითუნის ზეთით.
ვახშამი: სტაფილოსა და ვაშლის სალათი ლიმონის წვენით.
10 დღიანი სტაფილოს დიეტა 7-8 კილოსგან გაგათავისუფლებთ. ამ შემთხვევაშიც მიღებული წყლის რაოდენობა საკმარისი უნდა იყოს.
აქვს ასეთ დიეტას უკუჩვენებები? ბევრი მას დადებითად აფასებს, თუმცა ამბობენ, რომ მისი დაცვა ძალიან რთულია და ასევე დიეტის სწორი შეწყვეტა. დაიწყეთ 3 დღით, შემდეგ კი რამდენიმე დღე მიირთვით დიეტური ფაფები, სუფები, ბოსტნეულის სალათები. დიეტის გამეორება ნახევარი წლის შემდეგ შეგიძლიათ. დაიკელით წონაში გონივრულად, გისურვებთ ჯანმრთელობას!