ხაჭოს სარგებელი ადამიანის ორგანიზმისთვის შეუფასებელია. ამ პროდუქტის შემადგენლობაში შედის კალციუმი, ამიტომ ხაჭო და მისგან მიღებული კერძები უნდა იყოს წარმოდგენილი ყველა ადამიანის, განსაკუთრებით ბავშვებისა და მოხუცების დიეტაში.
ხაჭოს გამოყენება რეკომენდებულია ღვიძლის დაავადებების, ათეროსკლეროზის, ჰიპერტენზიის დროს. ეს პროდუქტი ასევე სასარგებლო იქნება კუჭის ან თორმეტგოჯა ნაწლავის წყლულის, ქრონიკული გასტრიტის, ნაღვლის ბუშტის ქრონიკული დაავადებების, პანკრეატიტისა და ნაწლავის დაავადებების მქონე ადამიანებისთვის. გასაკვირი არ არის, რომ ხაჭო მრავალი დიეტის ნაწილია.
დღეს გთავაზობთ მოამზადოთ მარტივი, მაგრამ ძალიან გემრიელი ხაჭოს დესერტი, რომელიც მოეწონებათ მათაც კი, ვისაც ხაჭოსადმი დიდი სიყვარული არ აქვს.
ინგრედიენტები
- 400 გ ხაჭო
- 200 გ არაჟანი
- 250 გ ანანასის კონსერვი
- 0.5 ლ ანანასის წვენი
- 25 გ ჟელატინი
- 250 გ შედედებული რძე
- ვანილინი გემოვნებით
- ქიშმიში გემოვნებით
მომზადება
- ჩაალბეთ ჟელატინი ანანასის წვენში ერთი საათის განმავლობაში.
- როცა ჟელატინი გაიხსნება, დადგით დაბალ ცეცხლზე, ოღონდ არ აადუღოთ.
- ხაჭო შეურიეთ არაჟანს, დაუმატეთ შესქელებული რძე, ვანილი და მასა ათქვიფეთ ბლენდერით.
- მასას დაუმატეთ გაციებული ჟელატინი, ქიშმიში და კუბებად დაჭრილი ანანასი.
- ჩაასხით ან პატარა ფორმებში ან ერთ დიდში და შედგით მაცივარში, სანამ ბოლომდე გამყარდება.
ეს დესერტი შეიძლება მომზადდეს შესქელებული რძის გარეშე და ანანასის ნაცვლად შეგიძლიათ დაუმატეთ თქვენი საყვარელი ხილი და ჩირი. მოინიშნეთ ხაჭოს ეს რეცეპტი, რათა სულ შეძლოთ თქვენი საყვარელი ადამიანების გახარება.