ასაკის მატებასთან ერთად ხშირია მეხსიერების გაუარესება. ხშირად გვავიწყდება ისეთი ფაქტები, რაც ძალიან მნიშვნელოვანია. 21-ე საუკუნეში იმდენად განვითარდა ტექნიკა, რომ აღარც გვჭირდება სხვადასხვა ფაქტების დამახსოვრება. ეს ყველაფერი კი გავლენას ახდენს ტვინის ფუნქციონირებაზე. მთავარი ორგანო აღარ ვარჯიშობს და ზარმაცდება.
როზმარინი ძალიან სასარგებლო მცენარეა. მისი არომატულობის გამო ხშირად გამოიყენება კულინარიაში. ახლა კი მეცნიერებმა ახალი დანიშნულებაც მოუძებნეს. თურმე მას მეხსიერების გაუმჯობესებაც შეუძლია.
მარკ მოსის და მისი ჯგუფის კვლევის საფუძველზე, ერთერთ სკოლაში მოსწავლეების ტესტირების ქულები საგრძნობლად გაუმჯობესდა. კვლევის პრიცნიპი მარტივი იყო. მეცნიერებმა მოსწავლეებს სთხოვეს ყოველ დღე ეყნოსათ როზმარინის სურნელი. მათი აზრით, მცენარე შეიცავდა ბუნებრივ ეთერზეთებს, რომლებიც თავის ტვინზე დადებითად მოქმედებდა.
კვლევამ წარმატებით ჩაიარა. მეცნიერების დასკვნით, როზმარინის სურნელოვანი ეფექტი დადებითად აისახება თავის ტვინის ფუნქციონირებაზე და აუმჯობესებს მის ფუნქციონირებას.